Ubaldo Cerqueiro traslada a experiencia QPC aos emprendedores de Carnota
11:26 11/04/24
Continúa o Colectivo Carnota, con Javier Boquete á cabeza, espallando a semente emprendedora pola comarca. Mentres avanza co proxecto Galicia Remota atraendo dunha ducia de emprendedores nómades á vila, e mentres desenvolve talleres nas escolas do concello, quere promover a través de charlas inspiradoras a semente da innovación.
Xa protagonizou a primeira dos DAI, Días de Aprendizaxe e Inspiración, e para a segunda charla escolleu a Ubaldo Cerqueiro, para que leve ao Bar O Moncho Burguer de Lira a experiencia QPC. Ubaldo debullará os 17 anos de historia do diario da fin da terra, e contará as dificultades e as vantaxes da vida dun autónomo na Costa da Morte.
A "barferencia" será o sábado 13 de abril ás 11:00h no bar liracho.
