Boa estrea vai ter a recén creada Asociación Cultural Gremio de Músicos de Carnota. O Iº Festival de Inverno "Lume en Carnota" xa está case listo para o vindeiro 19 de decembro no porto de Lira. 5 bandas, ben cañeras, estarán en cartel, como son os vigueses Critical Bride ou os composteláns Blue Meth State, ademais de 3 bandas da zona como son os ceenses The Suffering (dos que temos falado) e os carnotáns URD e mais Coso Carnobrigo (estreando disco). Este Gremio nace da man de 7 persoas, de San Mamede, Lira e Quilmas.  Este Gremio créase coa idea de intentar dinamizar a zona e a cultura musical presente, dándolle máis oportunidades aos músicos da zona con accións como unha Ruta de Concertos pola Costa da Morte ou a apertura dun local de ensaio en Carnota, o que sería un gran logro non só para estas bandas, se non para os 120 alumnos da gran Escola de Música carnotá que non contan cun espazo para voar. A entidade, que quere acoller xente de todos os campos: mestres e alumnos de música, corais, xente da música tradicional etc... ten varios obxectivos claros: - Promover e difundir a música en xeral e a xerada no concello de Carnota en particular. - Protexer e reclamar os dereitos dos músicos como colectivo. - Conseguir, xestionar e facer uso dun local de ensaio para os socios. E para conseguilo necesitan máis participación. Todo carnotán que ame a música está convocado a facerse socio do Gremio.  Por que? Porque "ao facerte socio ou socia desta asociación colaboras para que se creen recursos e actividades para os músicos da contorna, porque poderás participar nas actividades de forma gratuíta ou, no seu caso, terás un prezo simbólico ou porque "no momento en que o local de ensaio estea dispoñible, cada socio/a poderá solicitar unha hora de ensaio semanal". Un exemplo das actividades que xa están a coordinar son: clases maxistrais de músicos invitados, demostracións de artesáns de instrumentos ou concertos na vila de gran variedade de estilos. Invitan así a todo o mundo a poñerse en contacto a través do correo gremio.musicos.carnota@gmail.com para facer que a música medre en Carnota.

Quen toca no Iº Festival de Inverno Lume en Carnota?

Aquí vos deixamos con algunha das actuacións deste Festival organizado polo Gremio, que conta coa colaboración do Concello, da Deputación da Coruña e a A.C. Canle de Lira. Estes son os vigueses Critical Bride: [fbvideo link="https://www.facebook.com/nomortem/videos/510622825780857/" width="660" height="400" onlyvideo="1"]   Velaquí os composteláns Blue Meth State:   Eis os ceenses The Suffering: The Hunter - The Suffering - Deus Ex Machina from el sur se mueve on Vimeo.   E estes son Coso Carnobrigo que esa noite presentarán a edición física do seu agardado disco. Coso Carnobrigo tocando en Carnota  

Novas relacionadas

• A Deputación abre o prazo de tramitación das axudas para as entidades en ánimo de lucro.

Máis novas musiqueiras

• Serj rende homenaxe ao Rei das Mareas, Modesto Tajes Sánchez.
• Terbutalina publica o seu primeiro disco en vinilo.
• Os xalleiros Gran Soul Band estrean videoclip en ruta.
• Muros bótase á música e ao humor.
• Os Irmandiños xa teñen CD e cómic.
• Terbutalina, Mellor Álbum en galego dos Premios da Música Independiente.
• Aula 11 cruza o telón de grelos a ritmo de garage.
• Folk Metal carnotán para o Festigal.
• AnaKrusa, unha banda ceense na conquista do festival nacional MusicAula 2015.
• O Colectivo Badlaifé dá o salto e xa graba rap en italiano.
• Serj amosou o orgullo costeiro na presentación do seu disco Velaivén.
• Un par de dilleis nas cavernas de Muros.
• Maestro Romero, un par de músicos muradáns con pouca vergoña e moito sentimento.
• Unha BSO roqueira por e para Carballo.
• A banda costeira The Suffering presenta o seu primeiro proxecto musical.
• Serj cántalle á súa Costa da Morte.
• O Colectivo Baidlafé demostra o potencial rapeiro da Costa cun novo videoclip.
• Unha historia de Cráneos e Ósos na DeadCoast.
• A Costa da Morte en clave de rap co carnotán Yeray Vázquez.
• Os Trapos Sucios, gañadores do Rock in Río Tea.
• Nordés Project. Folk-pop ceense no Musicaula 2014.
• Corcubión bailou a ritmo do Rebumbio.
• Leö KCH: “O Rebumbio é bo para todos. A unión fai a forza”.

Fonte

• Redacción de QPC (info@quepasanacosta.com).