Fantástica a iniciativa musiqueira da Concellaría de Promoción Económica, Turismo e Normalización Lingüística do Concello de Carballo. Son moitas as bandas de música na capital bergantiñá, e varias xa pensan no Rockarballo de marzo.

Pero antes sairá o CD conxunto no que están traballando uns cantos grupos carballeses. Grupos guitarreiros, dando conta da esencia rockeira de Bergantiños.

Polo de pronto están grabando un tema cada banda: Killer Cats, The Cerne, Dude, Lowcos, Versión Imposible, PortakomPorta, Cru e Sonseis. Pero a proposta segue aberta a outras bandas da zona que queiran prestar a súa arte e aproveitar a promoción. Só hai un par de condicións: que o tema sexa en galego e que a banda, ou algunha das persoas que a compoñen, sexan de Carballo.

As gravacións están a desenvolverse nos estudos da Escola da Rúa. A organización e produción corre de man da empresa carballesa Mama Lola Estudios, a quen hai que dirixirse no caso de estar interesados en participar.

Máis novas musiqueiras

• Un Concurso Cavernícola para dinamizar a vida musiqueira da contorna de Muros.
• Grand Soul Band, o grupo de Santa Comba que vai camiño do Azkena Rock.
• A banda costeira The Suffering presenta o seu primeiro proxecto musical.
• Escolma de bandas costeiras – A Axenda Sonora da Costa da Morte segue crecendo.
• Serj cántalle á súa Costa da Morte.
• O Colectivo Baidlafé demostra o potencial rapeiro da Costa cun novo videoclip.
• Unha historia de Cráneos e Ósos na DeadCoast.
• A Costa da Morte en clave de rap co carnotán Yeray Vázquez.
• Os Trapos Sucios, gañadores do Rock in Río Tea.
• Nordés Project. Folk-pop ceense no Musicaula 2014.
• Corcubión bailou a ritmo do Rebumbio.
• Leö KCH: “O Rebumbio é bo para todos. A unión fai a forza”.
• Terbutalina saca novo disco cas claves do país: festa, velocidade e empanada.

Fonte

• Redacción de QPC ([email protected]).
• Turismo Carballo.