Parece claro que o groso da comunidade está en contra da nova Lei Orgánica de Mellora da Calidade Educativa (LOMCE). A comezos de semana anunciabamos as mobilizacións preparadas e xa podemos ir facendo reconto do seguemento destas accións, que deixa un balance de total rexeitamento á lei.

Se ben, hoxe 9 de maio está convocada a Folga Estudiantil en toda a Galicia pola Plataforma Galega en Defensa do Ensino Público. Na Costa faise hoxe patente en tódolos centros, por exemplo con esta concentración ás 11:30h diante do IES Fernando Blanco que vemos na primeira foto, pero ante xa imos repasamos as accións vividas na noite de onte en Cee e Laxe.

Noite de"vixía" no cole de Laxe

A pasada noite do día 8, o 50% do profesorado de Primaria do CPI Cabo da Area de Laxe decidiu realizar unha "vixía" dentro do centro en apoio á xornada de paro que se celebrará no día de hoxe, como protesta á (LOMCE) elaborada polo goberno do PP.

Pais e alumnos manifestaron o seu disconformidad a unha lei imposta sen ningún tipo de consenso, que penalizará ás clases menos podentes, con recortes no profesorado. co-pago comedores etc. É, segundo nos contan, "unha Lei deseñada para favorecer a segregación, clasista e que prexudicará moito máis ás zonas rurais en comparación coas cidades debido ao desprazamento".

Hoxe 9 de maio, o día do paro, está previsto que sexa secundado polo 100x100 do profesorado.

Boas previsións para a folga en Cee

"A folga contra a LOMCE vai ser un éxito, polo menos na Costa da Morte", aseguran dende a FEDANPA trala súa presentación onte nun repleto Salón de Actos do Concello de Cee. A sesión nocturna tiña como nome "a LOMCE a debate" e a Federación de Pais e Nais da Costa da Morte, como membros da Plataforma Galega en Defensa do Ensino Público, coordina estas accións.

Onte eran 114 os participantes que se achegaron ao concello ceense, que prevén que o seguemento de hoxe sexa total.

Protestas en Vimianzo

Tamén o profesorado do IES Terra de Soneira celebraron unha concentración o pasado o martes diante da porta principal do instituto baixo o lema "Por unha educación pública de calidade", que locía nunha gran pancarta na cristaleira do centro. Os organizadores quedaron contentos coa concentración, cunha tregua por parte da chuvia e cun vento que fixo voar parte das letras do cartaz. Sumouse o profesorado e parte do alumnado de bacharelato, ESA e ciclos (que son os que poden saír do centro).

Novas relacionadas

• Novas citas contra a LOMCE en Cee e Vimianzo.
• Peche costeiro contra a reforma e os recortes en educación.
• Bergantiños sae á rúa.
• A Costa da Morte tamén loita contra o copago nos comedores escolares.
• Os pais e nais da Costa da Morte envían unha carta de preocupación ao Conselleiro ante os orzamentos de educación.
• A ANPA do Agra Raíces pide unión da comunidade educativos nos peores momentos do ensino público.
• A bitácora da semana (CCI): A Federación de Anpas da Costa da Morte.
• A Fedanpa convoca unha concentración polo Ensino Público na capital de Bergantiños.
• As ANPAs propoñen un referendum pola reutilización e gratuidade dos libros.
• As Anpas da Costa da Morte propón un programa de reutilización de libros de texto.
• A Federacións de ANPAs da Costa da Morte estréase cunha dura crítica á LOMCE.
• 17-10-12: A mocidade da Costa da Morte tamén se rebela por un ensino público.
• 10-05-12: A folga do ensino déixase notar nos centros da Costa da Morte.

Fonte

• Información de José Manuel Ojén e da FEDANPA.