Arrincou onte o BNG de Cee a súa campaña de denuncia e concienciación con motivo do 25N. Fíxoo coa pegada de carteles informativos nas rúas e nas redes sociais con información sobre a volencia de xénero, as causas, as formas, as consecuencias e as solucións.

Lanzarán tamén varios videos de denuncia sobre actitudes machistas que, a miúdo, poden pasar desapercibidas na vida cotiá.

Ademais, presentarán dunha moción no vindeiro pleno do venres 24 deste mes, e o propio sábado 35 lanzarán faroliños, en homenaxe as vítimas, na praia da Concha.

O Manifesto

Ante o negacionismo e a banalización da violencia machista, é urxente un compromiso da sociedade e das institucións. Máis aínda nun contexto no que vimos de ver como no que vai de 2022 aumentaron os feminicidios tanto en Galiza como no conxunto do Estado. Esta situación, que se dá ademais nun contexto sociopolítico de avance dos discursos machistas, debe facer saltar todas as alertas nas administracións públicas e levar á revisión dos mecanismos previstos para mellorar a prevención e a intervención, así como para concienciar á sociedade das consecuencias do patriarcado e da falsidade dos discursos que cuestionan a súa existencia.
Cómpre, mais que nunca, concienciación, denuncia das violencias e unha forte actividadade para rematar coa situación actual.

MÁIS NOVAS DO #25N

• A moción que Boca de Sapo presenta no Concello de Corcubión polo 25N.
• Sonlilá prepara o acto central do 25N en Carnota.
• Corcubión vive o 25N #DeFronte.
• A nova campaña do #25N da Deputación pon o foco no lecer nocturno.
• Sonlilá ofrece dous obradoiros sobre autocoidado co gallo do 25N.
• Zas, primeiro concello en lanzar o programa do 25N.
• Buserana lanza a terceira edición do seu certame de microrrelatos contra a violencia de xénero.