Domingo. 23.01.2022
El tiempo

Campaña #Salvacadelos: Demasiados cans para poucos fogares

Campaña #Salvacadelos: Demasiados cans para poucos fogares
Apadan e outra das protectoras da zona de Bergantinos

Seguimos coa Campaña de concienciación que a Clínica Veterinaria Argos de Cee, a casa de Salvacadelos, quere facer a través destas liñas. Xa temos falamos da importancia e obrigatoriedade do chip, e nestes tempos de verán, da problemática de abandonos.

Precisamente hoxe toca falarmos de responsabilidade. Toca falar claro, toca poñer as cousas que nunca se queren dicir enriba da mesa. I é que hai demasiados cans na nosa sociedade. Demasiados para que as escasas canceiras ou protectoras da zona poidan salvalos a todos.

Como reducir o númeo de cans sen fogar?

Hai que reducir o número de cans sen fogar. Así de sinxelo e de complicado á vez. E aí é cando toca falar da responsabilidade de cada un de nós, de cada persoa que ten un can. Son varias as medidas para reducir ese número: evitar camadas non desexadas (esterilizando femias ou buscando casa antes de que paran) e adoptando.

Hai que realizar un severo control das camadas, e a esterilización ten que deixar de ser un tabú. É complicado falar de “naturalidade”, un dos argumentos que todos usamos cando queremos deixar que a nosa cadela teña unha camada antes de esterilizala. É natural que despois eses pequenos canciños non teñan casa? En todo caso, aí chega a segunda pata: se a nosa cadela quedou embarazada, imos facer todo o posible por conseguirlle fogar a todos os fillos, e non esperar á última hora e despois deixalos abandonados nun monte ou levalos a todos á protectora de turno.

Dende Salvacadelos queremos deixar claro que as cadelas non necesitan parir para estar sanas e completas. Unha cadela esterilizada deixa de ter esas necesidades, polo tanto non sofre por non ter unha camada que, ademais, despois non vai poder coidar.
En todo caso, e se non queres estirilizar á túa cadela, ten conta dela, tena controlada para que non quede preñada, porque cando unha sociedade acolle demasiados animais, é imposible facerse cargo de todos.

Por un futuro sen canceiras

Parece unha utopía, e moitas veces non queremos mirar en fite a realidade das canceiras. Cómpre apelar á responsabilidade de todos para soñar cun futuro onde non haia canceiras, onde non fagan falta as protectoras. Pero para iso, todos temos que poñer da nosa parte, é a nosa responsabilidade.

Campaña de concienciación de Argos e Salvacadelos

Máis información de Salvacadelos

Salvacadelos é unha iniciativa solidaria desenvolta na rede por QPC. posta en marcha pola Clínica Veterinaria Argos de Cee e patrocinada por Stolt Sea Farm e Prodemar.

Se queren adoptar algún destes animais que necesitan un fogar, póñanse en contacto coa Clínica Veterinaria Argos de Cee:

Novas relacionadas

Fonte

comentarios