Martes. 27.10.2020
El tiempo

Chegan as 12ª Xornadas Micolóxicas Costa da Morte

Chegan as 12ª Xornadas Micolóxicas Costa da Morte
Cartel das XII Xornadas Micolóxicas da Costa da Morte 2012

Esta fin de semana temos cita micolóxica en Vimianzo. Pero xa temos na cabeza o evento máis importante da Costa da Morte relacionado cos cogumelos. E xa van 12 anos destas Xornadas Micolóxicas da Costa da Morte, que artella a Asociación Micolóxica Naturista Pan de Raposo.

Son a auténtica referencia e para iso contan von verdadeiros especialistas a nivel estatal na materia, como o noso colaborador José Manuel Castro Marcote. Proba delo son os libros publicados polo propio Marcote, Chemi Traba e Manuel Pose Carracedo, que seguen a ser a meirande fonte de información micolóxica do país.

Pois as XII Xornadas Micolóxicas Costa da Morte celebraranse a fin de semana do 3 e 4 de novembro, e terán como base a Escola de Música de Cee. Alí se realizará a exposición de cogumelos na que chegan a xuntar máis de 200 especies colleitadas nos días anteriores por toda a península.

Pero hai moito máis, con varias visitas guiadas pola exposición da man de Marcote e Pose Carracedo, ademais de 3 interesantes conferencias. Unha sobre as "Discomycetes" da man de José María Costa Lago; unha sobre a "Natureza na Costa da Morte" da man de Francisco Javier Lema Fuentes, "Chisco"; e outra sobre "O mundo máxico dos Fungos" de Chemi Traba.

Ademais haberá unha cita que non se pode perder: unha degustación de pinchos de cogomelos no Hotel Restaurante Larry e mais no Galeón de Ana, en Cee.

Programa das XII Xornadas Micolóxicas da Costa da Morte 2012

Nocións micolóxicas con José Manuel Castro Marcote

Novas micolóxicas

Outras novas

Fonte

comentarios