Xoves. 28.03.2024
El tiempo

Día de loito en Malpica de Bergantiños

Día de loito en Malpica de Bergantiños
Esta mañá despertamos con un tráxico suceso acontecido enfrente das Illas Sisargas pouco antes das oito da mañá. Segundo informan desde a páxina de Facebook do Concello de Malpica, Francisco Montes Blanco - coñecido como Paco da Rosenda - faleceu pouco despois de que se afundira a súa embarcación deportiva. Os outros tres navegantes que o acompañaban están a salvo. O falecido era pai dun coñecido xogador do Buño S.C.D; Charro. Por este motivo, o partido que se debería de desputar mañá contra o Castriz quedou aprazado. O corpo está a ser velado no tanatorio de Malpica e o enterro será mañá ás 16.15 horas Ex director do Hospital de Cee No día de hoxe, sábado 3 de xaneiro, tamén coñecemos a nova sobre o falecemento do doutor José Rey Aneiros; unha persoa moi vinculada coa Costa da Morte xa que foi o primeiro director do Hospital Virxe da Xunqueira de Cee. Rey Aneiros, de 58 anos, foi o encargado de poñer en funcionamento o hospital aló polo ano 1998 cun orzamento de 1.000 millóns das antigas pesetas.

Comentarios