Xoves. 28.03.2024
El tiempo

Julio López, novo presidente da Federación Galega de Estacións de Servizo

Julio Lopez de Bazarra
Julio López, novo presidente da Federación Galega de Estacións de Servizo

Este pasado martes, a Federación Galega de Estacións de Servicio anunciaba un cambio na directiva, sendo Julio López, de Bazarra, o seu novo presidente. O responsable do espazo ceense afronta “con ilusión e responsabilidade un mandato nun momento difícil para o sector, cheo de incertezas”, con nova competencia “lowcost” e no que cada vez é máis habitual ver pechar estacións históricas.

Apunta na dirección de ofrecer novos combustibles nas estacións, para o que o sector buscará fondos dos Next Generation EU ("temos 5 millóns reservados e outros 5 en marcha"). A FEGAES reitera ademais o modelo de atención personalizada, xerando máis de 2.000 postos de traballo en Galicia e ofrecendo un servizo que o cidadán valora. Loitarán, asegura López, pola rebaixa do IVE dos combustibles.

A súa empresa, con máis de 50 anos de historia será, de seguro, un modelo no que se fixará a Federación, evolucionando cara a oferta ampla de numerosos servizos, e en clara tendencia cara o coidado do medio ambiente, como o Ecolavado Vertido 0, a nova aposta medioambiental de Bazarra.

Novas relacionadas

Máis novas

Comentarios