Luns. 15.08.2022
El tiempo

A muralista Ana Santiso deixou a pegada do proxecto en feminino do Club de Letras no patio do IES Agra Raíces

Ana Santiso muralista. Club de Letras IES Agra de Raíces
Ana Santiso deixou este mural para o Club de Letras do IES Agra de Raíces
A muralista Ana Santiso deixou a pegada do proxecto en feminino do Club de Letras no patio do IES Agra Raíces

A icónica fotograía de Ruth Matilda Anderson das mulleres atravesando o Pindo cos cestos de peixe na cabeza, foi a imaxe escollida pola muralista Ana Santiso, para deixar a súa pegada no IES Agra Raíces.

O Club de Letras do ceense escolleu o patio para que o legado do proxecto “Mulleres nas Artes”, quede na lembranza de toda a comunidade escolar.

Un “Club de Letras” que se define como un espazo de aprendizaxe non formal baseado nunha metodoloxía de indagación, a través dunha visión transversal e interrelacionada das manifestacións literarias e artísticas.
O equipo, coordinado pola profesora Mercedes Teijeiro do departamento de inglés, estivo formado por Mirta Pequeño do departamento de plástica; Eduardo Louredo do departamento de lingua e literatura galega; Montserrat Vila, Lara Trillo e Ana Porteiro do departamento de lingua e literatura española, Rosana Rial do departamento de inglés e Teresa Llamas do departamento de historia.
Todas esperan que este interesante proxecto poda ter continuidade no vindeiro curso académico.

Novas relacionadas

comentarios