O pasado mes de decembro o Comité de Empresa do Parque de Bombeiros de Cee daba a alarma sobre a perda do camión de altura, e o seu posterior cambio polo camión de As Pontes, un camión semellante pero que daba continuos erros. Unha clara merma nas capacidades de actuación en caso de emerxencia, recoñecían os propios Bombeiros.

O voceiro do BNG de Cee, Serxio Domínguez, tras varias reunións co representante dos traballadores, Daniel Bogo, comezou a facer xestións para reverter a situación. A negociación do BNG provincial co Consorcio e co mesmo presidente, parece que están dando os seus froitos.

Anuncia Domínguez que no vindeiro pleno do Consorcio se espera que o presidente dea orde para reestrablecer a situación e que o camión volva ao seu sitio, o Parque Comarcal de Bombeiros de Cee.

Novas relacionadas

• Os Bombeiros de Cee quedan sen camión de altura.

Artigos relacionados

• ATRIFOGA volve denunciar o desmantelamento do Servizo Público contra Incendios co novo despedimento de 25 traballador@s na bisbarra.
• Onde está a orixe da vaga de incendios?.
• Desprofesionalizando o Servizo contra incendios dende o primeiro eslabón da extinción.
• A Deputación da Coruña implantará a Xestión Directa dos Parques de Bombeiros.

Fonte

• Redacción de QPC (info@quepasanacosta.com).