Unha trasna, a única española en completar o Ultratrail de Alaska
Impresionante. Estivemos con ela durante a saída desta inmensa aventura, lembrando as súas trasnadas pola Costa. E hoxe voltamos ata Alaska, para recoñecer o traballo desta brava ceense.
Susana Gomez Castiñeira, ceense afincada en Lanzarote, acabou fai unhas horas o Iditaroid Ultra Invitational de Alaska, unha das carreiras máis duras do planeta, convertíndose ademais na única española en completalo.
Percorreu nada menos que 350 millas (case 600km) en 8 días, 21 horas e 14 minutos, superando temperaturas de -40º e, nalgúns casos, fortes ventiscas. “Asombrosa, apaixoante e difícil”, son os primeiros adxectivos que se lle ocorren a Susana, despois de completar este soño. Susana conta que foi unha experiencia en clave de aventura, pero sen ánimo competitivo.
Un soño conseguido de xeito completamente autosuficiente, sen necesidade de asistencias, cargando e arrastrando durante toda a viaxe dos 40 kg da súa “pulka”, cargada con todo o necesario para subsistir. Unha bolsa que non quixo deixar polo camiño, para non deixar a súa pegada nas virxes e brancas estepas xeadas.
E non, non é unha “inconsciente” a brava de Susana, que prantexaba o reto con algo de medo de ter que abandonar. Tivo que sufrir, iso si, momentos como candon non atopou un checkpoint, ou as consecuencias do frío, rematando coas mans completamente conxeladas.
Xa demostrou todo o que vale, e mesmo contou que lembrou moitas veces a súa casa ceense e a súa terra costeira, como o son das campás da Igrexa de Toba. Así que este verán, esperamos recibila cos brazos abertos!
En todo caso, estaremos atentos ao seu blog, Lailusionmuevemispiernas.com, para ver que conta!!
Máis información
- Lailusionmuevemispiernas.com: Camiño dos Faros, un Ultra diferente.
Novas relacionadas
- Unha ceense de Ultratrail por Alaska.
- O Ultratrail Camiño dos Faros xa ten data para 2015.
- 2014: 7 heroes completan o Ultratrail Camiño dos Faros.
- Monte Pindo e GMTA preparan o Trail polo Olimpo Celta.
- O Encontro do Monte Pindo xa espera polo seu Trail.
- O Camiño dos Faros volve máis forte que nunca ca 5ª edición.
- A Costa da Morte aposta unida por un Camiño dos Faros Ruta de Gran Percorrido.
- Redacción de QPC ([email protected]).
