A Subdelegada do Goberno e do Xefe de Costas, María Rivas e Carlos Gil, visitan este mércores 14 de febreiro a vila de Corcubión, en presenza do grupo de goberno e os membros da oposición. E o Concello aproveitará para pedirlle diversas melloras para o pobo.

pero o executivo corcubionés trasladará á Subdelegada do Goberno a súa preocupación pola merma nos servizos públicos na localidade, como a baixa da praza médica do ISM a partires do 21 de febreiro ou o anunciado peche temporal das oficinas do Instituto Nacional da Seguridade Social (INSS) do 8 ao 15 de marzo por falta de persoal.

Con respecto ao Xefe de Costas, estará sobre a mesa a unión entre os paseos de Cee e Corcubión, por suposto, pero os mandatarios de Corcubión continuarán coas conversas xa iniciadas de cara a mellorar o mantemento e seguridade do paseo marítimo do municipio. Carlos Gil visionará as obras de reparación dos muros do mesmo comezadas recentemente, mais desde o Concello insistirán en tratar de mellorar o deteriorado pavimento e os elementos de seguridade do paseo.