Este martes tivo lugar nos Teatros do Canal de Madrid a Gala Nacional da entrega dos " Premios Buero de Teatro Joven". E aí estiveron os membros do grupo Farándula Velutina, que levan un 2021 de cine. O grupo corcubionés recibía a boa nova deste premio estatal da man de Coca Cola o pasado mes de maio, e esta semana puideron distrutar de ir recollelo en man.

Foi Elisa Lema a que recibiu o galardon da man do monologuista, Agustín Jiménez, e ademais de agradecer á creadora do monólogo, Marina Gómez, e ao todo o seu grupo, fixo fincapé na posta en valor e no respecto á lingua galega por parte do xurado.

O premio ademais, deulle a oportunidade de viaxar a Madrid, xunto con todos os premiados, á Semana de Teatro donde tiveron a ocasión de participar en varios talleres teatrais, coñecer a diferentes actores e persoas relacionadas con mundo do espectáculo, e mesmo representar o seu monólogo no Campus onde se celebraron a meirande parte dos actos.

NOVAS RELACIONADAS

• Xuño 2021: A Farándula Velutina estreou libro e obra.
• Maio 2021; Farándula Velutina leva outro premio a nivel estatal.
• 2019; Farándula Velutina suma novos premios para o teatro costeiro.
• 2019: O Teatro ceense recibe outro premio.
• A Escola de Teatro de Cee encheu o auditorio para a estrea da súa nova obra.
• 2019: Fernando Castro Paredes gaña o II Certame de Nova Dramaturxia Galega Actual.
• Papiroflexia abre o 1º Ciclo de Teatro Amador Galego AMATEGA .