O BNG de Corcubión preguntará sobre os 100.000€ para adecuar a Praza de Castelao
08:52 14/02/11
A Praza de Castelao é a praza de todos en Corcubión. Unha praza que precisa dunha reordenación, aínda pendente do solar do cine vello. Aló polo 2009 xa se pensara nun concurso de ideas para a reforma, que agardemos non se teña olvidado.
Pero o que queren saber hoxe os membros da oposición, é que foi da partida que o PSOE incluiu nos orzamentos do 2010 para a rehabilitación da Praza de Castelao. Segundo o BNG esa partida de 100.000€ chegaba a través do Ministerio de Vivenda e servirían para mellorar a praza, proxecto aparellado á expropiación do solar do cine.
A responsable local do BNG, Susana Trillo declarou que “actualmente, a praza atópase igual que fai tres anos, sen que se fixera obra algunha sobre ela, polo que o grupo municipal do BNG preguntará ao alcalde ónde están eses 100.000 €, cantidade orzamentada no ano 2010”.
Novas relacionadas
- O BNG de Corcubión comprométese coa Emprecor.
- O BNG de Corcubión quere elaborar unha ordenanza medioambiental municipal.
- O PP corcubionés solicita un maior coidado dos espazos públicos.
- O PP de Corcubión acusa ao alcalde de ser o culpable de paralizar o asunto do solar do cine vello.
- 16-03-09: Corcubión segue adiante co concurso de ideas para reformar a Praza de Castelao.
Fonte
- Nota de prensa do BNG de Corcubión.