Fundamental é levar a concienciación sobre a violencia de xénero ás escolas. Por iso, o Outono Violeta e Corcubión levou xa os "Contos que cambian o conto" de Soledad Felloza ao alumnado da Escola Infantil e ao alumnado do CEIP Praia de Quenxe.

E na fin de semana tócalle ao Teatro en Igualdade na Casa da Cultura de Corcubión. O sábado, ás 20:00h, a compañía Soloteatro representarán a obra "Da” cor do leite.

O domingo, ás 19:00h, Farandula Velutina representarán a obra Animais de Compañía, de Fernando Castro. Ámbalas dúas compañías veñen de recibir o segundo premio no Certame Xuventude Crea 2019.

Ademais, durante estos días e ata o 25 de novembro, o concello repartirá entre establecementos da Vila o material da Campaña en Negro contra as Violencias á que o concello está adherido.

Por último esta Concellería convida a cidadanía a participar na concentración e lectura de manifesto que terá lugar o propio 25 N ás 12 horas na Casa do Concello.

TODAS AS ACTIVIDADES DO 25N NA COSTA DA MORTE

• Muxía tamén ponse En Negro contra as Violencias.
• A Semana Contra as Violencias achega varios obradoiros a Malpica.
• O Círculo Feminista de Carballo convoca un minuto de ruído contra o terrorismo machista.
• 16 Concellos da comarca, colectivos e empresas, únense á campaña En Negro contra as violencias.
• Corcubión e Cee preparan varias actividades de concienciación polo 25N.
• Nunca camiñarás soa, a marcha olímpica contra a violencia de xénero de Mazaricos e Santa Comba.
• A oposición insta ao Concello de Cabana a unirse á loita contra a violencia de xénero.
• Cee e Camariñas preparan as campañas do Día Internacional Contra a Violencia de Xénero.
• A igualdade, no centro do debate da sociedade carnotá.