Xoves. 12.12.2019
El tiempo

Muxía tamén ponse En Negro contra as Violencias

Muxía tamén ponse En Negro contra as Violencias

Un ano máis, con motivo do “Día Internacional pola Eliminación das Violencias contra as Mulleres”, o Concello de Muxía, a través da Concellaría de Igualdade (CIM), reivindica o seu papel de axente activo na loita contra as violencias exercida sobre as mulleres.

Faino a través de diferentes actividades:

- Obradoiros de sensibilización e prevención de Violencia de Xénero para o Bo trato, dirixido ao alumnado do IES Ramón Caamaño.
O obxectivo é reflexionar, nun espazo seguro, sobre a realidade social en canto ás súas demandas e expectativas respecto: á propia imaxe, ás relacións, á sexualidade, á identidade, o bo trato, a violencia e as expectativas propias e do sistema en que cada un se move.

Certame de proxectos audiovisuais e expresións artísticas.
Pretenden recoñecer, valorar e impulsar todo tipo de expresións artísticas que amosen como a mocidade aborda a actual situación de desigualdade de mulleres e homes con actitudes e comportamentos baseados no respecto, a igualdade, a liberdade, autonomía e o firme rexeitamento á violencia sexista. Por enriba da calidade técnica ou artística, valorarán a calidade da mensaxe, a súa capacidade para xerar reflexións e debates desde o empoderamento das mozas, e o compromiso dos mozos contra o machismo.

- Curso de defensa persoal e autocapacidades.
Impartirase por monitores/as especialistas en defensa persoal e integrantes da Federación Galega de Loita, e será os días 2 a 4 de decembro, en horario de 9.30 a 13.30 horas, no Edificio de Servizos múltiples municipal.

Obradoiro autodefensa Muxia 25N 2019

- Concentración 25 de novembro.
O luns 25 de novembro, ás 12:00 realizarase unha concentración diante do concello, aberta a toda a veciñanza, na que tamén participará o alumnado do IES Ramón Caamaño e o CEIP Virxe da Barca. A concelleira de Igualdade, Olalla Benlloch, lerá un manifesto institucional e o alumnado do IES Ramón Caamaño participará coa lectura de textos reivindicativos para o acto.

Muxía en Negro

Elaborouse unha guía para fomentar a participación do alumnado do IES Ramón Caamaño- Campaña “Muxía en Negro”, que serve para facer un chamamento a seguir traballando conxunta e coordinadamente coa implicación de toda a cidadanía para erradicar as violencias machistas e destacar a valentía, coraxe e forza das mulleres que superaron esta situación; para lembrar ás que foron asasinadas , e para dar esperanza ás que aínda viven esta terrible situación, para recordarlles que é posible saír dela, que todas estamos aquí para apoialas.

Así, animan a que dende o 23 ao 26 de novembro, as tendas, comercios, empresas, bares, postos do mercado, etc. sexan vestidos de negro (os manequíns, os manteis do restaurante, ou un/ha mesmo/a). Dende o Concello de Muxía poñen a disposición o material da campaña e información a quen o solicite a partir do día 22. As persoas interesadas en participar só teñen que chamar ao número de teléfono 981 708595 ou enviar un correo electrónico a [email protected] cos datos do establecemento (nome e enderezo) e da persoa de referencia (nome e teléfono).

TODAS AS ACTIVIDADES DO 25N NA COSTA DA MORTE

  •  

Comentarios