Vanse a Rianxo, os membros de Boca de Sapo Asociación Eco-Social e Cultural, para continuar e tecer lazos na súa loita polo Centro de Día de Corcubión. Vanse de viaxe, nunha “Road Protesta”, unindo as problemáticas da ría de Corcubión á da ría de Arousa.

Fano despois de contactar coa plataforma polo Centro de Día de Rianxo para manter unha reunión e compartir experiencia, experiencias e tratar de crear un principio de colaboración mutua.

A viaxe será este sábado día 1 de febreiro, con saída ás 15:00h da praza Castelao nunha furgoneta engalanada para a ocasión, coa lenda “Centro de Dia Xa!” para iren distribuíndo a mensaxe polas poboacións que atravesen no traxecto: Mazaricos, Serra de Outes, Noia, etc... até chegar ao Pazo de Rianxo onde ás 17:00h teñen prevista nosa cita coa Plataforma polo Centro de Día da mesma localidade.

Alí, farán unha reunión, aberta á cidadanía que queira sumarse, e poder artellar novas accións á loita común en defensa dos dereitos básicos dos nosos maiores.

Aproveitarán para escoitar as compañeiras da plataforma rianxeira que polo momento está colleitando avances alentadores nas súas revindicacións.

Deste xeito, Boca de Sapo continúa dando visibilidade a un problema que, no caso de Corcubión, leva aberto dende o ano 2010 e que segue a día de hoxe sen resolverse.

Novas relacionadas

• Outubro 19: Boca de Sapo presenta 1.000 sinaturas para esixir a apertura do Centro de Día de Corcubión.
• Setembro 19: AFAFES adaptará a antiga Gardería de Cee como Centro de Día.
• Agosto 19: Camariñas confirma o apoio da Deputación e espera o da Xunta para o Centro de Día.
• Xullo 19: Un berro silencioso, e medieval, pola apertura do Centro de Día de Corcubión.
• Maio 2019: Corcubión enteiro sae á rúa polo Centro de Día.
• Maio 19: A cidadanía de Corcubión mobilízase polo Centro de DíaA cidadanía de Corcubión mobilízase polo Centro de Día.
• Camariñas, Corcubión e Ponteceso valoran o si da Xunta ao Centro de Día de Malpica.
• Outubro 2018: A Xunta volve negarse a poñer en marcha o Centro de Día de Corcubión.
• Outubro 2018: “Os técnicos de Servizos Sociais da comarca de Fisterra trasladaron á Deputación a necesidade de abrir o Centro de Día de Corcubión” 
• Setembro 2017: O BNG critica a postura da Xunta co centro de día de Corcubión.
• Setembro 2017: A Xunta rexeita a abrir o Centro de Día de Corcubión
• Novembro 2015: O BNG de Corcubión pregunta polo esquecido Centro de Día.
• Maio 2014: O Centro de Día de Corcubión ve a luz.
• Xaneiro 2013: O BNG de Corcubión denuncia un novo retraso nas obras do Centro de Día