Sábado. 10.12.2022
El tiempo

Os socialistas culpan ao BNG de toda problemática xerada polo electricista de Corcubión

Casa do Concello de Corcubion
Casa do Concello de Corcubión
Os socialistas culpan ao BNG de toda problemática xerada polo electricista de Corcubión
Eterna semella a polémica arredor do electricista de Corcubión, un dos “dous traballadores municipais con soldo pero sen traballo”. Tras anos de denuncias contra o Concello, da implicación directa dos sindicatos… o Concello de Corcubión quere dar conta da última sentenza, firme, do Xulgado do Social nº1 da Coruña arredor do xa famoso Caso Sambade.

Todo parte da multa que a Inspección de Traballo en 2014 ao Concello a raíz dun informe que aseguraba que a conduta despregada dende o Concello para o traballabor "atenta contra a dignidade desta persoa, dispensando un trato degradante que implica humillacións, vexacións, menosprezo e desprestixio profesional”.

Pero o Xulgado da Coruña vén de deixar sen efecto esta multa de 6.251 euros trala demanda presentada polo Concello fronte a aquela sanción por parte da Consellería de Economía, Emprego e Industra da Xunta.

A sentenza baseábase en que o electricista non ten a titulación oficial acreditativa para relizar traballos “en tensión”, e niso xustifica que o Concello non puidese presentar un informe co traballo realizado polo traballador.

O Concello amósase satisfeito, deixando claro ademais que “non pode considerarse que a contratación dunha emrpesa externa para realizar traballos de mantemento supoña un indicio da comisión de infracción. Por tanto non concurren os principios de culpabilidade nin de proporcionalidade, debendo ser estimada a demanda” que o Concello presentou fronte a Consellería.

Por iso, e considerando que “a orixe da problemática é a falta de capacitación e cualificación do traballador”, o grupo de Goberno bota culpas ao goberno que o contratou, que neste caso foi o BNG, antes da chegada dos socialistas ao poder.

Aproveita o Concello para lembrar que o traballador xa presentar unha denuncian en 2012 por acoso contra o ex alcalde Chisco Lema, pero que >foi absolto en 2015

Así, o Concello, continúa pagándolle un soldo a un electricista ao que non lle dá traballo, mentres lle paga a unha empresa externa polo mantemento eléctrico de todo o Concello, polo menos non terá que pagar unha multa.

Novas relacionadas

comentarios