Luns. 01.06.2020
El tiempo

8 pontonas caídas no Corredor volveron convertirse en minas flotantes para os barcos costeiros

Un das pontonas rescatadas no porto de Laxe-Foto-Víctor de Mira
Un das pontonas rescatadas no porto de Laxe-Foto-Víctor de Mira
8 pontonas caídas no Corredor volveron convertirse en minas flotantes para os barcos costeiros

Unha e outra vez, o Corredor de Fisterra segue provocando altercados no noso mar. Ducias de veces os mariñeiros a comarca teñen que sortear contedores caídos dalgún buque, como acontecía esta semana no norte da bisbarra. En pleno temporal, un buque, o Pemba perdía o pasado martes 8 “pontonas” que deixaban á deriva, convertíndose en verdadeiras “minas flotantes” para as embarcacións de baixura que faenan na zona.

Foron días tensos no mar, ata que a mellora das condicións meteorolóxicas permitiron ir recuperando as pontonas e achegándoas ao mar. Dúas foron “rescatadas” polas embarcacións de baixura da zona Caprichosa e Argote, e outras polas embarcacións de Salvamento Marítimo (Salvamar Altair e Betelgeuse), a través do Centro de Coordinación e Seguridade de Fisterra.

As operacións de remolque das estruturas permitiron levar 3 pontonas ao porto da Coruña, 2 ao porto de Camariñas, outra ao porto de Laxe, mentres que outras dúas remataron varadas na liña de Costa.

Pontona buque do Pemba rescatada por Salvamento
Pontona do buque do Pemba rescatada por Salvamento Marítimo

Heroicas as fazañas das embarcacións costeiras, que remolcaron as estruturas con gran dificultade, dende os baixos das Quebrantas e dende a zona de Soesto, respectivamente.

Afortunadamente, desta volta non pasou nada, pero cada ano son case 40.000 os mercantes que pasan pola nosa Autopista Invisible

Novas relacionadas

comentarios