Preto de 70 persoas de entre 18 e 35 anos coñecerán, este mes de xuño, a Costa da Morte a través do programa Xuventur. Esta iniciativa, desenvolta pola Secretaría Xeral de Turismo a través de Turgalicia e a Dirección Xeral de Xuventude combina estancias no entorno rural con numerosas propostas de ocio e turismo activo.

Esta semana chega o primeiro dos tres grupos, de 22 persoas cada un, que terá a oportunidade de descubrir a Costa da Morte, disfrutando tanto da súa gastronomía como das súas paisaxes. Todo isto combinado cun intenso programa de actividades que inclúe barranquismo, kaiak polo río Xallas e un tour fotográfico.

Os sete aloxamentos que participan neste programa foron seleccionados a sorteo entre os socios da Asociación Profesional do Sector Turístico da Costa da Morte.

Desde a APTCM tratan de colaborar con todas aquelas iniciativas e actividades que permitan mellorar os índices de ocupación en tempada baixa.

Novas relacionadas

• O GDR Bergantiños aposta polo turismo.
• O mundo xa saborea Galicia dende Muxía.
• APTCM constata que a perda de investivementos na Costa por falta de unidade no sector.
• APTCM crea iniciativas en tempada baixa.

Máis novas

• A Costa da Morte afía o vento para a I Travesía de Kitesurf.
• De barranquismo polo río Miñóns.

Fonte

• Nota de prensa de APTCM.