Conmocionada está Galicia co asasinato homófobo acontecido esta fin de semana na Coruña. A morte, a golpes de Samuel Luíz, un mozo de 24 anos, tras recibir insultos como “deixa de gravar o te mato”, volve poñer de manifesto a situación de indefensión que sofren milleiros de persoas por todo o planeta.

Á chamada dos colectivos feministas, concellos e grupos de veciñ@s secundaron a concentración en repulsa convocada en toda Galicia baixo as etiquetas #XustizaParaSamuel ou#TodassomosSamuel. Máis de medio centenar de concentracións provocaron unha invasión das cores do arco da vella por todo o país. 7 delas foron a Costa da Morte.

Ao mediodía saíron ás portas do Concello en Vimianzo, A Laracha e Camariñas.

A útima hora da tarde, e a pesar do tempo, ducias de persoas acodiron ás concentracións en Laxe, Corme, Cee, Carballo, Malpica, VImianzo e Ponteceso.

”Sen odio, nin intolerancia, nin homofobia, contra a violencia” rezaban por exemplo as pancartas en Laxe, antes de celebrar o minuto de silencio.

Concentración en Malpica
Concentración en Laxe

Concentración na Laracha

Concentración en Vimianzo

Concentración en Ponteceso

Concentración en Cee

Concentración en Corme

Concentración en Coristanco

Novas relacionadas

• 7 concentracións na Costa da Morte en repulsa ao asasinato homófobo de Samuel.
• 28-06-21: Implicación dispar na celebración do Día Mundial LGTB+ .
• A exposición “A Rede Visible” visibiliza ás mulleres LBT por Carballo.
• 2018: “Os reclusos teñen menos prexuízos coa miña orientación sexual ca moitos compañeiros funcionarios de prisións”.
• 2018: Pablo San José: "Eu son un mozo transexual e vou á miña aldea como pode ir o meu primo, que tamén é un rapaz”.
• Mon Lendoiro: “Cambiaría moito a cousa que a xente fose saíndo do armario”.