Xoves. 30.05.2024
El tiempo

"Está ben recuperar ese dito de toda a vida de que os meses con R son os mellores para comer marisco"

Polbo da Lonxa de Alvaro Meses con R
Polbo da Lonxa d'Álvaro
"Está ben recuperar ese dito de toda a vida de que os meses con R son os mellores para comer marisco"

A pleno rendemento está funcionando a campaña ”Meses con R” que desenvolve a Asociación de Profesionais Turísticos de Costa da Morte (APTCM), en colaboración de 17 establecimentos hostaleiros da comarca.

Co lema “Meses con R, aposta segura”, a patronal quere poñer en valor a calidade gastronómica da Costa da Morte, e nada mellor que os propios establecimentos para facelo.

Para desenvolvela están utilizando as redes sociais @visitaCostadaMorte, que xa podedes seguir para coñecer a liña promocional.

Alvaro do Coral en plena Cocina
Álvaro Rodríguez, da Lonxa D’Alvaro,

”Toda publicidade que se faga é boa, e queiras que non sempre ten retorno”, recoñece Álvaro Rodríguez, da Lonxa D’Alvaro, que agradece "a posta en valor do noso produto de temporada na procura de desestacionalizar o turismo local". “Ademais, recuperar ese dito de toda a vida de que os meses con R son os mellores para comer marisco é unha cousa bonita”, apunta.

No restaurante muxián ofrece produto de temporada, peixe e marisco de primeira calidade, recén capturado, como robalisa, algo de rodaballo, cabracho, escarapote… 

 

OS PARTICIPANTES

Os 23 establecementos participantes nesta campaña, que á súa vez busca fomentar a colaboración entre os sectores turístico e pesqueiro do territorio, son os seguintes:

  • Liresca
  • Náutico de Razo
  • Asteria Beach
  • Parador Costa da Morte
  • A Marina de Camariñas
  • O Refuxio do Naufrago
  • Morada da Moa
  • O Mar de Preciosa
  • Mar de Queo
  • Mar da Morosa
  • Tira do Cordel
  • A Lonxa de Álvaro
  • As Garzas
  • O Mocho
  • Río Sil
  • Taberna do Bico
  • Furna Atlántica
  • A Casa da Canle
  • Semaforo Fisterra
  • Casa de Lema
  • A Casa do Peixe
  • La Bombonera Carballo
  • Pontemaceira

 

Comentarios