Parece que foi onte o 2002, pero a realidade demográfica da Costa da Morte variou moito nestas dúas décadas.

Este mes, o Instituto Galego de Estatística presenta o novo informe demográfico do país. Unhas cifras que adoitan ser alarmantes,amosando unha pirámide poboacional cuia parte ancha segue medrando, situando xa a zona máis importante entre os 40 e os 55 anos.

A nivel nacional, Galicia contaba a 1 de xaneiro de 2022 con 2.691.456 habitantes, 5.420 persoas menos que o ano anterior, das que o 76,7% viven nas provincias do eixe Atlántico.

Un dato máis que intersante é que o peso das 7 cidades segue a ser menor que o peso do rural galego, acollendo só o 36& da poboación galega.

Costa da Morte

A nivel costeiro, no último ano a comarca perdeu habitantes en todas as comarcas:

• Bergantiños: -0,40%.
• Soneira: -1,15%.
• Fisterra: -0,09%
• Xallas: -0,34%.
• Muros: -0,44%.

Facendo unha valoración a 20 anos vista, a Costa da Morte que forman os 19 concellos das 5 comarcas, perdeu 15.482 habitantes.

Os únicos concellos que medraron nestes últimos 20 anos son Carballo, A Laracha, e Cee, pero este último xa recuperou a tendencia negativa perdendo 150 habitantes na última década.

Novas relacionadas

• Louzán (2019): Os datos demográficos que nos levan á Irrelevancia.
• 2018: A tráxica previsión demográfica para a Galicia do 2031
• Louzán 2018: O drama das pensións en cifras: A Costa da Morte, un "morto vivente”.
• 2016: As pensións de Corcubión son as máis altas da Costa da Morte.
• Louzán 2017: Historia do drama do rural en imaxes (I) - Comarca de Fisterra.
• Historia do drama do rural en imaxes (III - Terra de Soneira).
• Louzán 2017: Historia do drama do rural en Imaxes (II) - Comarca de Bergantiños.