Non descansa a sociedade galega de protestar contra os asasinatos machistas. Onte, luns 22 de xullo, acontecía un novo asasinato machista en Vilalba, cando un home mataba á súa muller e se suicidaba posteriormente.

Non se fai esperar a resposta da sociedade, e onte xa concellos como o de Carnota saían á rúa para, aproveitando a cartelería do 25N, Día Internacional contra a Violencia de Xénero, amosar a súa repulsa.

Esta chamada a cidadanía a saír hoxe martes 23 de xullo, en tres dos puntos máis combativos da zona, chamados pola Marcha Mundial das Mulleres ou pola Organización Feminista Buserana. 

A propia Buserana deixa claro que "Non pode pasar un día máis sen voltar ás rúas, sen amosar a nosa repulsa por cada un dos asasinatos machistas que seguen acontecendo sen que nada cambie nin se mova. Que saiban que van a atoparnos enfronte todas as veces que faga falla. Que estaremos berrando tan alto coma poidamos para que non haxa unha menos....para que sexa algo máis que unha etiqueta: para que sexa unha realidade!. 💪💜"

• Carballo: Concentración ás 20:00h na Praza do Concello.
• Cee: Concentración ás 21:00h na Praza 8 de marzo.
• Laxe: Concentración ás 21:00h na Praza Ramón Juega.

Novas relacionadas

• 08-07-19: Laxe berrou contra os violadores de Manresa.
• 8M 2019: As mulleres da Costa da Morte protagonizaron unha nova mobilización histórica polo 8M.
• Xaneiro 2019: Carballo volveu berrar #contraasviolencias tralo primeiro asasinato de 2019 e a volta á liberdade da Manada.
• Agosto 2018: A Costa da Morte manifestou a súa repulsa á posta en liberdade da Manada.
• Abril 18: Ata a Costa da Morte se manifesta contra a sentenza xudicial á “Manada”.