Un milleiro de novos peregrinos atravesaron a comarca camiño de Santiago
Ademais dos milleiros de peregrinos que fan o Camiño cada ano, comezou a notarse a influencia deste Ano Xubilar Xacobeo da Xunqueira esta fin de semana. De Cee a Muros, a invasión de novos peregrinos foi absoluta, sendo máis dun milleiro os que disfrutaron dunhas xornadas singulares na Costa da Morte.
Mércores e xoves foron dúas xornadas intensas pero moi emotivas para a Unidade Pastoral de Cee. En torno a 900 xóvenes de Córdoba e Valencia iniciaron a sua peregrinación a Santiago de Compostela para participar a vindiera semana na Peregrinación Europea de Jóvenes, que se organizaba por primeira vez dende 2010.
Os actos foron ambolos dous días os mesmos, consistiu nunha Eucaristía na Praza 8 de Marzo a que se trasladou a Virxe da Xunqueira. Unha celebración con tintes africanos foi amenizada polo coro L'Immaculée provinte de Costa de Marfil e agasallouselle a cada mozo cunha tela africana para que cando cheguen o Obradoiro a axiten e recorden onde iniciaron a súa peregrinación. Tamén o Altar- palco estaba decorado cunha Cruz de 2 metros que estaba ornamentada coas mesmas coloridas telas.
Xa tras a cea os mozos regresaban á Praza para disfrutar dun concerto da coral e de Grilex, o rapeiro católico de moda que vai volver a estar con estes grupos e 20.000 xóvenes nun novo concerto en Santiago con motivo da PEJ.
De Cee a Carnota e Muros
Os días seguintes as 7:00h iniciaban estes grupos o seu camiñar dende a Parroquia da Xunqueira a Carnota. Na praia de Boca do Río celebraron unha simbólica eucaristía co solpor sobre a silueta de Fisterra como telón de fondo.
Xa en Muros as As delegacións de Pastoral Xuvenil das diócesis de Córdoba e Valencia uníronse á de Terrasa, emais ao o Movemento dos Focolares (Madrid) e a Asociación Mendialai (Bilbao) para facer a peregrinación a Santiago de Compostela facendo o Camiño da Ría de Muros-Noia no marco da PEJ22.
Eran un total de 1.270 rapaces e rapazas de entre 16 e 35 anos que, ademais de gozar dun Camiño diferente, no que o mar é o gran compañeiro de viaxe, tamén reciben unha cariñosa acollida por parte de institucións e particulares, dispostos a conseguir que a súa estancia entre nós sexa algo inesquecible.
Dende a ría de Nuros-Noia esperan que citas como estas supoñan un punto de inflexión para o seu Camiño.
