O PSdeG recorrerá por vía contencioso-administrativa o pleno da moción de censura de Coristanco

cine viejo

14:52 01/09/17

Abraham Gerpe segundo pola dereita o novo candidato do PSOE en Coristanco

Abraham Gerpe, segundo pola dereita, cando foi presentado en 2015 como novo candidato do PSOE en Coristanco

Trala petición ao Estado de En Marea para que interfira no caso da moción de censura de Coristanco, e a retirada da xunta de goberno dos edís de TeGa, é o PSdG o que move ficha para intentar dar marcha atrás a un episodio que puxo a vila bergantiñá no epicentro da actualidade política galega.

A Agrupación Provincial do PSdeG-PSOE, que expulsara do partido a Abraham Gerpe apenas uns días antes da moción, considera que “debería terse aplicado a Lei antitransfuguismo” anulando o seu voto ao pasar ao grupo dos non adscritos. Foi un escrito presentado por Gerpe no que denuncia a ilegalidade da súa expulsión o que permitíu, coa axuda do voto de calidade dun edil do PP na mesa de idade, a que permitiu sacar adiante a moción.

A dirección provincial sostén que “a vontade de expulsar a Abraham Gerpe como representante do Grupo Socialista no Concello de Coristanco foi clara e inequívoca e comunicouse en tempo e forma ao Concello de Coristanco, polo que conta con todas as garantías legais”. Ademais, “consideran que existiron outros defectos legais na celebración do pleno que poden pór en cuestión a súa validez e que serán argumentados no recurso”.

Ante esta situación, os socialistas reclamaron no rexistro municipal o expediente administrativo completo da sesión plenaria e os seus servizos xurídicos traballan na redacción do recurso que tratará de impugnar a moción de censura.

Asemade, os socialistas insisten en “criticar a hipocresía política do Partido Popular, cuxos órganos de dirección desautorizaron tamén públicamente a moción pero non fixeron nada para expulsar aos seus edís antes da celebración do pleno e evitar unha situación como a que se dá agora en Coristanco”.