Mércores. 30.11.2022
El tiempo

Piden unha auditoría das contas da Neria

Piden unha auditoría das contas da Neria
Neria na Fitur

Sería tremendamente interesante saber cantos millóns de euros de fondos europeos xestionou a Asociación Neria dende os anos 90. Sería tamén tremendamente interesante facer unha avaliación do impacto deses investimentos no desenvolvemento económico da comarca. Pode que levemos as mans á cabeza pero cómpre coñecer.

A semana pasada era a Deputación a que denunciaba as numerosas débedas da entidade supramunicipal. Hoxe é o BNG comarcal o que pide ao Consello de Contas que emita un informa sobre a actividade e uso dos fondos públicos que recibiu a Asociación Neria. Piden un “informe de fiscalización sobre o inxente volume de fondos públicos administrados e xestionados por esta asociación”.

O BNG valora que “as Administracións públicas, principalmente Xunta de Galiza e a administración estatal, pero tamén as entidades locais, teñen tamén unha responsabilidade sobre os fondos manexados por Neria”. Por iso “o Consello de Contas é o ámbito propicio para determinar como se executou a comprobación da contabilidade e fiscalización da asociación”.

Novas relacionadas

Fonte

  • Nota de prensa do BNG comarcal.

comentarios