O PSOE denuncia, con cifras, a clara discriminación da Xunta nos investimentos en sendas peonís aos concellos non populares

xunta pp psoe eleccions investimento senda

Cabana de Bergantiños. A Coruña
A conselleira de Infraestruturas e Mobilidade, Ethel Vázquez, supervisará o remate das obras da senda entre Neaño e A Carballa. Haberá declaracións aos medios. Punto de encontro: no Pq. 2+880 da estrada AC-429, na contorna da caseta de información turística.
05/02/2019
Foto: Moncho Fuentes / AGN A Coruña — A conselleira de Infraestruturas e Mobilidade, Ethel Vázquez, supervisando a última senda peonil de Cabana

O PSOE denuncia, con cifras, a clara discriminación da Xunta nos investimentos en sendas peonís aos concellos non populares

Redacción

11:20 15/03/19

Fixo a parlamentaria socialista Loli Toja, unha serie de preguntas no Parlamento sobre os investimendos da Xunta en sendas peonís na zona. Toja mantiña dúbidas sobre a equidade de investimentos entre concellos de cor popular e concellos gobernados forzas da oposición.

Os datos referidos aos investimentos en novas sendas peonís realizados pola Consellería de Infraestruturas e Vivenda entre 2016 e 2018 son claros. Dos 3 millóns investidos nestes 3 anos, o 80% distribuíronse entre os concellos, populares, de Cabana, A Laracha e Malpica. Só Carballo tivo unha partida de 600.000€, moi por debaixo, propocionalmente dos concellos populares. Nada quedou en Laxe, Coristanco ou Ponteceso, concellos doutras cores.

Tremendas as cifras das comarcas de Soneira e Fisterra, onde non hai un só goberno popular. A resposta é clara: cero investimentos nos últimos 3 anos (de feito no 2015 tampouco houbo).

Algo semellante pasa pola Barbanza, onde o Concello de Noia (popular) recibiu a maior parte dos investimentos nesta materia.

Deste xeito, e antes de debullar os investimentos, as cifras de investimentos en sendas peonís da Consellería de Infraestruturas e Vivenda entre 2016 e 2018 son claras:

2,2 millóns de euros para concellos gobernados polo PP
0,6 millóns de euros para concellos gobernados por outras forzas.

Bergantiños

Os datos referidos aos investimentos en novas sendas peonís realizados pola Consellería de Infraestruturas e Vivenda nos concellos de Cabana (PP), Carballo (BNG), Coristanco (-), A Laracha (PP), Laxe (PSOE-BNG), Malpica (PP) e Ponteceso (PSOE-BNG-APIN) entre 2015 e 2018 son:

2018

Execución do itinerario peonil e ciclista na AC-552, treito Carballo-polígono industrial de Bértoa, finalizado en marzo de 2018, logo dun investimento da Xunta de 627.743,68 euros;
Itinerario peonil e ciclista na AC-429, treito Neaño-Cabana, que contou cun investimento de 281.748,50 euros, actualmente rematado;
Itinerario peonil e ciclista na AC-552, A Laracha-O Cancelo, rematado en xuño de 2018 logo dun investimento de 803.298,97 euros”.

2017

Execución dunha senda peonil e ciclista na AC-421 e na AC-422, treito Xornes-Buño-Canta La Rana (Malpica), que contou cun investimento de 534.339,05 euros, finalizada en outubro de 2017;
Itinerario peonil e ciclista na AC-552, treito A Laracha-Paiosaco, finalizada en decembro de 2017, logo dun investimento de 603.009,38 euros;

2016

Cero investimento.

Soneira e Fisterra

Os datos referidos aos investimentos en novas sendas peonís realizados pola Consellería de Infraestruturas e Vivenda nos concellos de Camariñas (PSOE), Carnota (BNG), Cee (IxCC), Corcubión (PSOE), Dumbría (PSOE), Fisterra (PSOE-BNG), Muxía (PSOE), Vimianzo (BNG-Adiante) e Zas (BNG) entre 2015 e 2018 son