Carballo e A Laracha son pioneiros na recollida da quinta fracción orgánica, na implantación do contedor marrón no casco urbano, compatible co programa de compostaxe caseira no rural. Pero pronto serán todos os Concellos de Galicia os que se vexan obrigados a facelo. En 3 anos, segundo esixe unha normativa europea, todos os Concellos terán que separar a 5ª fracción.

Por que? Porque é un sistema que contribúe á redución das emisións de CO2, garante un fertilizante de calidade coa recuperación dunha práctica tradicional do rural galego e reduce os custos do servizo de recollida de lixo, xa que o canon que pagamos a Sogama polo tratamento da 5ª fracción na planta de compostaxe é inferior ao da bolsa negra.

É precisamente nese paso, o de convertir o lixo en abono, onde entra a tecnoloxía. En Galicia hai moi poucas empresas que fan esa labor. A que usa a nosa comarca é a manida SOGAMA, que xa hai tempo que traballa por riba das súas posibilidades Sogama non debería ser referencia para a Costa da Morte, xa que as plantas de compostaxe deberían servir a non máis de 40 km á redonda.

Deste xeito fan falta moitas plantas así en Galicia, acompañado dunha campaña de recollida selectiva efectivo, con colectores pechados que permitan obter un índice de impropios baixo para poder producir compost utilizable en plantas espalladas polo territorio.

Na comarca, poderíanse utilizar instalacións xa existentes, como por exemplo, a planta Seavi, de Castrelo.

Planta de lodos Siavi en Vimianzo

Novas relacionadas

• Agosto 2020: As familias de Carballo xa superan a reciclaxe de 11.100 quilos na quinta fracción.
• Agosto 2020: Máis de 1.000 familias carballesas participan nas accións de redución de lixo.
• Xullo 2020: Gran acollida do programa "Ti tes a chave" de Carballo na súa primeira semana de funcionamento.
• Xullo 2020: A Laracha espalla o colector marrón da quinta fracción.
• Xullo 2020: 50 familias da Laracha xa teñen os seus composteiros.
• Maio 2020: A recollida selectiva da quinta fracción orgánica segue funcionando na Laracha e Carballo.
• Febreiro 2020: 400 familias e 41 empresas xa son usuarias do servizo de colector marrón de residuos orgánicos de Laracha.
• Febreiro 20: 1.200 laracheses dan uso ao Punto Limpo do Formigueiro.
• Xaneiro 20: A Laracha, xunto con Carballo, concellos pioneiros na implantación do colector marrón.