Ata o mércores 26 estará unha expedición de mulleres do mar de visita en Bruxelas, que conta coa presecia de dúas malpicás. Verónica Veres, presidente da Federación de Redeiras de Galicia O Peirao, e Ángeles Millé, presidenta da Asociación de Redeiras O Fieital e Secretaria da Asociación Nacional de Mujeres de la Pesca (Anmupesca) forman parte da expedición que a portavoz do BNG en Europa, Ana Miranda, quixo levar ao Parlamento Europeo para a deixar patente as súas condicións laborais e as desigualaddes predominantes.

A visita enmárcase nas xornadas da Rede Europea de Mulleres da Pesca (AKTEA). A delegación galega mantivo un encontro de intercambio de experiencias con mulleres do sector pesqueiro e marisqueiro procedente de diversos países, como Croacia, Chipre, Irlanda, Italia, Reino Unido e Azores.

Na segunda sesión das xornadas de Mulleres Europeas do Mar, Miranda declarou imprescindible  que as asociacións de mulleres do sector do mar teñan acceso directos aos fondos europeos marítimo pesqueiros. "Reivindicamos ao FEMP e aos grupos de acción costeira que se facilite o acceso ás asociacións de mulleres para poder tramitalos directamente e poder recibir os fondos”, manifestou Ana Miranda.

“Sen redes e sen redeiras non hai pesca”

A presidenta de ANMUPESCA Rita Míguez destacou que o principal obxectivo da asociación consiste en visibilizar as profesionais do mar, así como incrementar o liderado das mulleres profesionais e promover a igualdade. Desde a Federación Galega de Redeiras, a malpicá Verónica Veres puxo de manifesto os diferentes problemas cos que se atopan as redeiras, como a falta de recoñecemento das enfermidades profesionais e as grandes dificultades para estar nas mesas nas que se toman as decisións. “Sen redes e sen redeiras non hai pesca”, subliñou.

Para Ana Miranda, este esforzo de visibilización ten que ir acompañado por unha política económica que se reflicta nos vindeiros fondos europeos e que supoña unha mellora efectiva da situación das mulleres neste sector produtivo.

Rede de Mulleres Europeas do Mar

A expedición participou o último día na asemblea xeral da Rede Europea de Mulleres da Pesca e da Acuicultura
(AKTEA), órgano ao que pertencen a presidenta de ANMUPESCA, Rita Míguez, e a presidenta da Federación Galega de
Redeiras, Verónica Veres.

Intensísima a xornada de onte coa chegada da delegación galega a Bruxelas. Visita ao Parlamento europeo e encontro co resto das delegacións doutros países (mulleres do mar de Italia, Croacia, Irlanda, Malta, Chipre...) pic.twitter.com/PnGf9hVi9Y

— Pilar Fernandez (@pilaraymara) February 25, 2020

 

Novas das redeiras

• Dúas malpicás tecendo a Rede Europea de Mulleres na Pesca en Bruxelas.
• 2018: Europa escoitou e anotou as demandas da pesca artesanal e o marisqueo.
• As Redeiras, condenadas a non poder xubilarse antes dos 67 anos.
• Xaneiro 2020: As Redeiras do Peirao manteñen a axuda da Xunta.
• Rita Míguez (Anmupesca): "Temos que mecanizar o mar”.
• Novembro 19: Unha exposición de fotos amosa en Mapica o traballo artesán das redeiras,
• Rosa, redeira e artesá: "Non podemos traballar aos 65 anos collendo pezas que pesan ata 50 quilos”.
• As Redeiras do Peirao caen na rede do Youtube para buscar o necesario relevo xeracional.
• As Redeiras do Peirao entregan a Medalla de Ouro ao Mérito no Traballo ao Museo do Pobo Galego.
• Calafateando: Redeiras, invisibles pero imprescindibles.
• “En Galicia, as mulleres do mar somos pioneiras en unirnos”.