A #AxendaCostadaMorte refúxiase en Rosalía e nas filloas

Cultura Costa da Morte

10:42 23/02/18

Pasou o Entroido e #AxendaCostadaMorte e a Costa da Morte celebra o aniversario do nacemento de Rosalía de Castro. Varios concellos prepararon programación para este 24 de febreiro, e outros manteñen viva a súa programación cultural continua, a gran animadora do inverno a base de teatro, música e sesións para toda a familia. A Festa da Filloa de Zas é unha das citas máis singulares, pero ollo que hai moitas máis cousas que facer esta soleada fin de semana.

Parte de 4gotas.com

Fin de semana anticiclónica en Galicia e desta volta, anticiclón si que é sinónimo de sol. Moi pouquiñas nubes, ou menos ningunha, en toda a fin de semana. Lucirá o sol, non irá o vento que houbo en varios días desta semana e as temperaturas polo día serán agradables (especialmente o domingo con máximas nos 14-15 graos). As noites serán frescas. Chegan cambios a partir do martes pola tarde.

Citas á Rosalía

Cee celebra o Mes de Rosalía e para o sábado celebra un espectáculo musical sobre os románticos e románticos galegos.
A palabra xusta é o nome da
Proxección e recital polo Día de Rosalía en Fisterra.
Zas e Santa Comba cantan a Rosalía cun recital infantil na vila xalleira e unha visita teatralizada as Torres do Allo.
Pontececeso recupera o caldo de gloria de Rosalía polas escolas.

Citas singulares

Singular Encontro sobre banda deseñada en Vimianzo, coa visita de Manel Cráneo..
Comezan os Venres Culturais de Carballo coa obra de teatro premiada, Elisa e Marcela. Ademais, o domingo cita infantil en Carballo coa Pitusa Semifusa.
A Festa da Filloa de Zas é unha das grandes citas da fin de semana.
Non falla a cita co teatro en Muros, desta volta, o sábado co Foucellas de Talía Teatro.
Gran cocido en Serantes.
Volvemos pechar os domingos coas Tardes de inverno infantís de Vimianzo, desta volta con Peter Punk.
Durante a tarde do sábado e o domingo, Camariñas acolle unha nova edición do ExpoPeques.
O domingo, Mazaricos acolle a presentación de LUMES, o novo libro do mazaricán Ismael Ramos

Exposicións

A Tenda Turística Stoupa acolle este mes unha exposición do autor muradano Roque Rey.
Castelo de Vimianzo. A fortaleza así como a súa mostra de artesanía ao vivo pódese visitar martes a domingo de 10:30 a 14 e de 16 a 19 horas. Visitas guiadas gratuítas: sábado e domingo ás 12 e ás 19 horas.
Conxunto etnográfico do Mosquetín. O conxunto de muíños e batáns do Mosquetín abre as súas portas todos os días da semana dende as 11 horas ata ás 18 horas. Os sábados e os domingos hai visita guiada ás 13 e ás 18 horas.
As Torres do Allo, en Zas, abre sábados e domingos e festivos (de 11 a 19 horas). Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.