Como está a AxendaCostadaMorte, que ademais, dende xa conta co patrocinio do English Fest Camp Costa da Morte, que propón campamentos de verán en ingles para rapaces.
E é certo que QPC baixa o pistón pero a Axenda non decae, e temos un mes de xullo absolutamente repleto de festas e eventos culturais.

Comezamos o repaso a esta primeira fin de semana de xullo en clave irmandiña. É a festa da fin de semana, a máis singular, a máis auténtica. O XIX Asalto ao Castelo de Vimianzo chega máis potente que nunca, cunha reprentación renovada, uns pinchos irmandiños 2.0 e un cartel para o festival con grandes nomes como Kepa Junquera e Susana Seivane.

E seguimos en clave mariñeira, i é que un dos puntos fortes serán as Xornadas Muros Mira ao Mar, 3 días nos que a fermosa vila de Muros engalánase coas súas mellores redes para conxugar as raíces do patrimonio mariñeiro coa difusión turística.
Para o venres teremos tamén unha nova presentación do libro de poemas de Suso Bahamonde, desta volta en Lires, e dous concertos e un monólogo en Cee, o Pablo Balseiro e Charli cos seus ritmos frenéticos, e o Concerto Folk de Dog Roses, e mais o monólogo de Xan Veiga.
E despois, poderemos aproveitar para mover un pouco o corpo na Festa da Cascada do Ézaro, ou nas Festas do Rosario de Serantes, en Laxe. Teremos tamén a Festa da Empanada de Abelleira, en Muros, que servirá para abrir as Festas do Carme, que seguirán sábado, domingo e luns.

Para o sábado e o domingo teremos tamén as Festas do Socorro de Coucieiro, Muxía, as Festas de San Antonio de Ardaña, en Carballo, e mais as Festas de San Antonio de Tines, en Vimianzo.

E por se non houbese verbenas abondas, o domingo pechan as Festas do San Pedro da Ponte do Porto.

Máis información

• www.axendacostadamorte.com.

Fonte

• Redacción de QPC (info@quepasanacosta.gal).