Axenda dunha fin de semana de monólogos, música e festas

08:55 03/10/14

Continuamos co outono nesta primeira fin de semana de outubro. E o facemos cunha Axenda Costa da Morte que non está tan activa como as anteriores fins de semana, pero que nos deixa variedade en forma de monólogos, teatro, música en directo e boas festas. Pero antes repasar as citas, repasamos como chega o tempo para estes días cos amigos de 4gotas, que xa nos avisa que o veranciño de San Miguel chega á súa fin: O venres aínda poderemos gozar del, aínda que nos arredores de Malpica despois de comer xa comezarán a chegar néboas que anuncian un cambio no tempo. O sábado teremos un día con moitas nubes e con algunha chuvia. É complicado precisar o momento exacto pero semella que caerán no mediodía e primeiras horas da tarde para deixar unha noite sen chuvias. O domingo o ceo alternará as nubes e os claros, pero malia o sol notaremos unha notable baixada das temperaturas (xa se notará o sábado). Nos arredores de Malpica podería producirse algún chuvasco illado. Como vedes o prognóstico non está 100% claro (coma outras veces) polo que o mellor é botarlle unha ollada diaria a 4gotas.com por se hai cambios.

Arrinca o FIOT cos contos á rúa

O festival de teatro máis importante da zona arrinca esta fin de semana e durará durante todo o mes de outubro.Se as o obras de sala comezaba a vindeira semana, as primeiras actividades que temos serán nas tabernas, no marco do primeiro venres da Rúa dos Contos, con Os 7 Magníficos máis un e Rober Bodegas, que ademais estrea espectáculo no Mercado Municipal. Para a noite do sábado toca triple monólogo, con Stephanie Llayora no Valle Inclán, unha de Regueifeiros no Pescador, e Candido Pazón no Colón. E a fin de semana péchase o domingo con Bacana e os seus Batman e Robin na Barra Bar, e mais Isabel Risco no Musicafé.

De cine

E poderemos tamén ver, na gran pantalla, a documental Costa da Morte de Lois Patiño. Está nos Xunqueira Cines de Cee o venres ás 17:45, o sábado ás 17:30 e 22:00, o domingo ás 17:45, e de luns a xoves, ás 17:45 e 20:15.

Un Festival de festa e moita música en directo

Serve para abrir unhas festas pero é todo un festival de música rokeira. O Live in Cances traerá 4 grupos da zona para unha auténtica noite roqueira. Ademais, en clave musical, e lonxe do verbeneo, poderemos disfrutar dun par de bos concertos con xentes emerxentes da volta, como o vimiancés Serj que estará en Cee na noite do venres, ou a estrea dos locais Alan Acoustic Project tamén na vila da Xunqueira.

Non paran as verbenas

Decíamos que o Live in Cances serve de pistoletazo de saída para as grandes Festas de San Campio de Cances, que durarán ata o domingo. Poderemos ir ata as Festas de Cerqueda durante toda a fin de semana, ou tamén ata as Festas de Sacramento do Couto.