Hoxe é o último día de votación e necesitan un último empurrón para gañar o concurso. Falamos da banda de Santa Comba Grand Soul Band, que está arrasando nun concurso a nivel nacional para tocar ao festival Azkena Rock de Vitoria, a meca dos festivais.
Hoxe é o último día para votar, así que xa o estades a facer aquí.

Falamos dunha banda xalleira formada por Miguel Rial Vieites (batería), Javier Campos (voz e guitarra rítmica), Alejandro Torreira (guitarra) e Raúl Cascales (baixo).

Arrincaban a comezos do 2006, cando o guitarrista Alejandro Torreira Ulla e o batería Miguel Rial Vieites comezan a xuntarse casualmente para tocar versións e algún tema propio instrumental. Ata que 2 anos máis tarde únese ao equipo, un amigo da infancia de Alejandro, Javier Campos. Guitarrista e con boa predisposición para cantar, pasaron de tocar temas únicamente instrumentais a tocar algunha versión de grupos como Allman Brothers, Screaming trees, Metallica... E finalmente polo 2010 aparece ante a necesidade dun baixista para cerrar o grupo, Raúl Cascales, o cal tamén era un bo amigo da infancia de Alejandro e Javier.

A partir dese momento comezan a preparar un repertorio de versións de cancións de Tom Petty, Pearl Jam, Chris Isaak, Live... E a partir do ano 2012 comezan a tocar en locais de música en directo.
Despois comezan a compoñer temas propios co cal foron variando o repertorio, variándoo entre temas propios e versións e finalmente decídense por entrar nun estudio de grabación e plasmar estes temas propios nun disco, o cal estará rematado en breve.

Estaremos atentos, pero polo de pronto xa podedes ver o ben que soan!!

Votación

• Votar no Concurso do Azkena Rock.

Novas relacionadas

• A banda costeira The Suffering presenta o seu primeiro proxecto musical.
• Escolma de bandas costeiras – A Axenda Sonora da Costa da Morte segue crecendo.
• Serj cántalle á súa Costa da Morte.
• O Colectivo Baidlafé demostra o potencial rapeiro da Costa cun novo videoclip.
• Unha historia de Cráneos e Ósos na DeadCoast.
• A Costa da Morte en clave de rap co carnotán Yeray Vázquez.
• Os Trapos Sucios, gañadores do Rock in Río Tea.
• Nordés Project. Folk-pop ceense no Musicaula 2014.
• Corcubión bailou a ritmo do Rebumbio.
• Leö KCH: “O Rebumbio é bo para todos. A unión fai a forza”.
• Terbutalina saca novo disco cas claves do país: festa, velocidade e empanada.

Fonte

• Redacción de QPC (info@quepasanacosta.gal).