Están tendo as propostas gastronómicas un protagonismo especial neste outono. En plena campaña dos alimentos salvaxes da Costa da Morte, e vemos como Concellos como Vimianzo apostan pola arqueogastronomía, aí é nada.

En Carballo, trala inciativa "Dalle un bocado ao FIOT", que combinaba teatro cobo comer, comezan unha nova sección gastronomía de outono. Dentro do proxecto "Carballo a un paso", un proxecto de dinamización turística, cada semana visitarán un restaurante de Carballo para que preparen unha receita. O obxectivo é promocionar conxuntamente a hostalería, a gastronomía e os produtos de Carballo, e o poderemos seguir dende QPC e mais dende www.turismocarballo.com.

Hoxe traemos a primeira, dende o Restaurante "La de Bur", que nos deleita con este "Milfollas de segredo de porco ibérico e cogomolelos, gratinado con queixo provolone".

É o chef Pablo Iglesias "Bur" o que nos invita a pasar á súa cociña para coñecer os seus segredos.
Primeiro teremos que confitar a cebola con auga, aceite, azucre, viño branco e algo de tempo. Faremos por outro lado a carne de segredo de porco, ibérico a ser posible, á grella, pero só por un lado porque logo rematarémola no forno. Podo ir poñendo os níscalos tamén na grella e fritir a patacas en panadeira.

Metémolo no forno cunha capa de provolone, poñémolo bonito e a zampar. Podedes revisar a receita completa para comprobar os trucos de Pablo.

Novas relacionadas

• Vimianzo prepárase para viaxar no tempo a través do padal.
• Os alimentos salvaxes da Costa da Morte.
• Música e gastronomía toman o relevo do teatro en Carballo.
• Carballo dá un paso cara a Costa da Morte.

Fonte

• Tursimo Carballo.