O Sofán non puido co Cordeiro-Foto-SD A Clínica de Fisioterapia Vértebra e a Podóloga Alicia Novás, de Baio, patrocinan a 1ª Autonómica. Pincha e coñéceas en www.vertebrabaio.com Polos opostos os que se ven no máis alto e no máis baixo da táboa da 1ª. O Soneira vencía, facendo gala da súa canteira ademais, e afianzaba o seu liderado. Pola contra, o Malpica, con 11 xustos e o porteiro no medio campo, caía estrepitosamente ata o faroliño vermello, dando conta dunha imperiosa reforma. Polo medio, o Sofán, no partido da xornada, tivo o mal día cara gol e perdeu unha ocasión de meterse definitivamente na pelexa por todo. O Outes caía tamén ante un bo Sigüeiro. O Baio quedou sen unha merecida vitoria mentres o Corme sumaba unha fundamental, pero cara, vitoria.  

Soneira - Bertamiráns (3-1)

• Soneira: Bonano, Fran, Jota, Alberto, Figueroa, De la Sierra, Mayor, Vía, Javi, Darío e Nazo. Tamén xogaron: Josiño, Edgar, Curra, Alex e Sandelo.
• Goles: 1-0, m.5: De la Sierra de volea; 1-1, m.9; 2-1, m.30: Vía remata un pase da morte de Javi; 3-1, m.70: Sandelo.

Máis líder, máis canteira O Soneira ante o Bertamiráns-Foto-SD Adiantaba o Soneira, aproveitando a festa de San Vicente, o choque ante o filial do Bertamiráns. E non lle foi mal aos de Manolito, que venceron, afianzaron o liderado e ademais cubriron as numerosas baixas tirando da canteira. Xogaron Curra, procedente do Castrelo, filial do club soneirán, e debutron dous cadetes, Edgar e Alex. Comezaba o Soneira moi forte, e Nazo e De la Sierra avisaban xa nos primeiros 5 minutos con boas ocasións. Era o maior dos De la Sierra o que metía por diante aos seus moi cedo cunha boa volea, pero apenas 4 minutos despois, a primeira chegada por banda dos visitantes remataba co empate no marcador. Volta a empezar pero parecía que estaba sendo un bo partido no Municipal. Bonano daba conta da súa veteranía, mentres na área visitante Javi avisaba e Vía non fallaba o pase da morte de Javi para facer o 2-1 á media hora. Quería resolver pronto o choque o Soneira á saída dos vestiarios, e seguía chegando con claridade. Javi, Vía e Figueroa facían lucirse ao meta rival, ata que Sandelo, no primeiro balón que tocaba, lanza un tiro raso que toca na cepa do pau e sube o 3º ao marcador. Quedaba tempo para disfrutar e facer debutar ás novas promesas da canteira. Os cadetes Alex e Edgar debutaron co Soneira-Foto-Jorge Parri  

Sofán - Cordeiro (0-1)

11 do Sofan no Carral-Foto-SD

• Sofán: David, Sito (Álex Varela, m.81), Adrián, Félix, Rubén, Seo (Xuko, m.62), Felipe, Luís (Javi Doldán, m.54), Iván Rey, Raúl Insua (Franchu, m.46) e Raúl.
• Gol: 0-1, m.27: Manu.
• Expulsión: O visitante Juanito no m.80.

Non quixo entrar O Sofan non puido co Cordeiro-Foto-SD Un gol anulado e 3 paus. O Sofán non tivo o seu día cara gol nun partido deses de vital importancia que puideron ter determinado as aspiracións do equipo. Puido terse metido no podio o Sofán e superar a todo un Cordeiro, pero o cadro da Barbanza soubo aguantar e aproveitar a falta de acerto dos carballeses no seu feudo. Comezou o cadro visitante mandando ante unha SD que non se atopaba. David tivo que salvar varias ocasións pero non puido, á media hora cun córner que serviu para adiantar aos visitantes. Cambiou o conto na segunda, con Franchu gañou moita presencia no medio campo o equipo local pouco a pouco foron chegando as ocasións. Raúl mandanba ao longueiro. Adrián e Sito probaban dende lonxe. Xuco vía como lle anulaban un gol por un dubidoso fóra de xogo. O equipo acabou volcado sobre un rival que quedara con 10 e que se defendía como podía, e mesmo co tempo cumplido, Rubén mandaba outro balón ao pau nun córner. Non ía entrar…  

Corme - Val do Ulla (1-0)

Brais será baixa no Corme as vindeiras semanas-Sigueiro-Foto-Fin Lema

• Corme: Suso, Diego, Dani, Adolfo, Miguel Torrado, Eloy, Brais, Juan Chans, Adrián Doldán, Toniño e Lucas. Tamen xogaron: Joshua, Alejandro, Josiño, Brais Torrado e Ángel.
• Gol: 1-0, m.55: Lucas dende fóra da área.

Unha cara vitoria Volveu vencer o Corme e escapa da zona perigosa. Pero a vitoria saiulle cara pois Brais sufriu un golpe nunha man, e trala exploración parece que vai ter que ser operado, polo que será unha complicada baixa para os de Miguel Torrado, que xa non poden contar con Alejo para toda a tempada. O Corme tardou en entrar no partido, e tras unha primeira metade sen dominador claro, deu un paso adiante ao comezo do segundo tempo. Lucas, o improvisado goleador azulón, foi o autor do gl da vitoria cun tiro dende fóra da área marca da casa. A partir de aí o equipo soubo ler o partido, nadar e gardala roupa. Para a semana, saída ante todo un Cordeiro, pero este equipo é capaz de todo.  

Outes - Sigüeiro (1-2)

O Outes con Mario no Cunchido

• Outes: Rizos, Borja, Pose, Maroñas, Dani, David (Samuel, m.67), Jorge (Veleiro, m.20), Chía, Eli (Babu, m.74), Martín (Álvaro, m.89) e Yago Dosil.
• Goles: 1-0, m.55: Maroñas de falta; 1-1, m.57: Garba Solue; 1-2, m.88: Garba Solue
• Lesión: Jorge.

O Outes non lle puido adicar a vitoria a Mario Sufría un accidente de tráfico hai 10 días o compañeiro Mario e se ben o equipo non lle puido dedica a vitoria, si que sacou esta foto para mandarlle ánimos ante máis de 350 afeccionados “tifando” no Cunchido. Foi unha vitoria traballada, pero merecida dun Sigüeiro moi serio que superou en medio campo aos locais e deu moito traballo á defensa da Serra. Quedou en tablas a primera parte sen moitas ocasións (alén dun remate ao longueiro dos visitantes), sen embargo eran os locais os que se adiantaban cun golazo de falta de 30 metros de Maroñas. [fbvideo link="https://www.facebook.com/FutboldaCosta/videos/900643503387641/" width="650" height="400" onlyvideo="1"] Non pasaron 2 minutos para o empate. E aí o partido estaba de cara para os visitantes ante un Outes que non atopaba o lugar no medio campo. Tivo Yago unha boa ocasión tras un gran slalom pero sacou co pé o porteiro visitante. Quedaban 10 minutos e o Sigüeiro ameazaba cun balón ao pau, e cando apenas quedan 2 minutos, marcaba o segundo o equipo visitante e o Outes xa non se puido repoñer.  

Baio - Agolada (1-1)

• Baio: Pablo, Yago, Porto, Mario, Luís Alvite, Norberto, Moreno (Rubio, m.58), Martín, Saleta (Fachal, m.77), Luís e MC.
• Goles: 1-0, m.19: MC; 1-1, m.68.

Empate inxusto Partido moi complicado no Platas Reinoso ante un rival directo para un Baio que leva 7 xornadas sen coñecer a vitoria. Adiantouse o Baio por medio de MC e puido matar o encontro antes o descanso tras un roubo de Luís que lla cede a MC pero non acerta a porta baleira. Parecía que o partido estaba controlado e cun pouco de acerto o equipo podería materializaría algunha das ocasións que estaba xerando. Yago, Martín, MC… seguían chegando pero era o equipo visitante no que nunha das únicas chegadas á área de Pablo facía o empate. Parecía incrible que quedase o equipo de Pastoriza sen os 3 puntos. Aquí vemos os goles do partido da man de Santi Soneira.  

Piloño - Malpica (7-2)

O Malpica saltando ao campo do Piloño-Foto-Piloño

• Malpica: Ángel; Dímaga, Carlos Mallo, Kike, Moscoso, Eme, Víctor, Sergio, Roi Carril, Cololo e Petís.
• Goles: 1-0, m.4; 2-0, m.8; 3-0, m.18; 3-1, m.35: Cololo de falta; 4-1, m.37; 5-1, m.39; 6-1,m .53; 7-1, m,67; 7-2, m.80: Petís de penalti.

Nova e preocupante goleada Con 11 xustos (e co porteiro Víctor no medio campo) chegaron os malpicáns a Piloño, e como en Tordoia, volveron co peto cheo de goles en contra. O cadro local, sen necesidade de cambiar de marcha, goleou duramente aos malpicáns. Algo necesita este Malpica, xa na última posición da táboa tras 8 derrotas consecutivas.  

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción QPC (info@quepasanacosta.com).