Máis de 200 kg de peixe capturado no transcurso do III Campionato Solidario Ferroatlántica de Pesca Submarina foron doados a Cáritas o pasado sábado, en virtude do acordo subscrito entre o Club Costa da Morte Sub, organizador do evento e a empresa Ferroatlántica, patrocinadora do mesmo.

Un campionato que gañou José María Formoso, pertencente ao club Os Petóns, superando aos 47 participantes.

O campionato celebrouse ao longo da mañá do sábado na zona de Muxía e desenvolveuse con total normalidade, dacordo co previsto, aínda que as condicións meteorolóxicas, a escasa visibilidade, impediron que se puidese pescar un número maior de pezas. Entre as especies capturadas e doadas á entidade benéfica, podían atoparse pinto, maragota, sargo, robaliza, dourada, muxo, abadexo, etc

Neste sentido, a organización puxo o acento no respecto aos bancos marisqueros de ría e no cumprimento da normativa da federación por parte dos deportistas participantes.

Entre as pezas capturadas, un pinto de 2.430 gramos, capturado por Pedro Silva, do Club Neptuno, foi a de maior tamaño.

Clasificación

• 1º - José María Formoso (Club Os Petóns).
• 2º- Carlos Atán (Club Costa da Morte Sub).
• 3º- Omar Alonso (Club Menas, Asturias).
• 4º- Agustín Louro (Club Costa da Morte Sub).
• 5º- Pedro Silva (Club Neptuno).
• 6º- Roberto Castiñeira (Club San Martiño).
• 7º- Aresio Gómez (Club San Martiño).
• 8º- Arturo Pasantes (Club Costa da Morte Sub).
• 9º- Rubén Pando (Club Pescamar, Asturias).
• 10º- Sergio Castro (Club San Martiño).

Novas relacionadas

• Investigadores europeos destacan a riqueza dos pecios da Costa da Morte.
• 2013: Pesca de disfrute e solidariedade en Carnota.
• 2012: O Campionato de Pesca Submariña cede 350 kg de peixe a Cáritas.
• A pesca que non se comercializa, do mar de Camariñas ás familias necesitadas.
• Cáritas poderá seguir atendendo a 150 familias na bisbarra.
• 0 57% dos galegos non pode permitirse ir de vacacións.

Fonte

• Redacción de QPC ([email protected]).