2ª Autonómica: Só falta o Chiringuito

Guillermo Parga

13:34 23/11/15

O partidazo da xornada en Ara Solis tivo tódolos ingredentes dun día grande, incluida unha nova actuación discutida do archicoñecido Zas Vázquez.

O Camariñas amosou o seu apoio aos mariñeiros do cerco

Bazarra, a estación de servizo máis eficiente, patrocina a Liga da Costa. Coñécenos en www.bazarra.com Non é que o Clásico da semana fose precisamente igualado ou polémico, pero si que houbo frontes na Costa con tintes de encontro grande, e con resolucións non para tódolos gustos. Todo, nunha xornada marcada polo apoio camariñán aos mariñeiros do Cerco, e que deixa ao Zas e ao Ponteceso empatados despois do empate do líder en Ara Solis, e da apurada vitoria do Ponteceso ante o Baíñas. Ollo que por detrás chega forte o San Lorenzo, con 3 vitorias seguidas, mentres Mazaricos e Fisterra suman 7 e 6 partidos sen coñecer a derrota.

Ameixenda 1-1 Porteño

Campo: San Paio de Refoxos.
Ameixenda: Maikel, Jorge, Javichu (Grille m.80), David (Andrés m.37), Samuel, Jesús, Rafa (Ruso m.70), Bichiño, Serginho, Borja e Álex.
Porteño: Álvaro, Gabriel, Caamaño, Roi (Manuel m.80), Adrián, Iago, Doyle, Quilmes, Marcos (Cachi m.61), Jorge e Wii.
Árbitro: Oreiro Hermida (A Coruña). Expulsou a Samuel (m.91) do Ameixenda. Amonestou a David, Borja e Álex do Ameixenda; Quilmes, Wii, Roi, Caamaño, Iago, Jorge, Cachi e Gabi do Porteño.
Goles: 1-0 m.7 David; 1-1 m.20 Roi, de penalti.

Pouco que lembrar Non foi unha tarde para o desfrute de ninguén que se achegase ata San Paio de Refoxos. Nin un Ameixenda que comeza a baixar o pistón, nin un Porteño que vai xusto de recursos, foron quen de xerar demasiada producción ofensiva ou de calidade. David, desde o borde do área e tras asistencia de Álex, abriu cedo o marcador para os locais. Non se alcanzara aínda o ecuador do primeiro acto cando un penalti inocente de Javichu significou a igualada e o fin da búsqueda do gol por parte de ambos.

Baíñas 0-1 Ponteceso

Campo: Municipal de Vimianzo.
Baíñas: Joselu, Tantán, Carliños (Héctor m.58), Mario, Jorge Calvete, Jaime (Canay m.72), Eloy Cabeza, Alemán, Migueliño, Javi Suárez e Pablo Muíño (Cristian m.80).
Ponteceso: Brais, Juanma (Collazo m.59), Charly, Laik (Ismail m.69), Nando, Mendieta, Víctor, Alberto Recarey, Martín Puente, Cacha (Youssef m.84) e Eloy (Aday m.46).
Árbitro: Sornichero Caicedo (A Coruña). Amonestou a Pablo Muíño e Mario do Baíñas; Cacha do Ponteceso.
Gol: 0-1 m.81 Mendieta.

Esta vez tocou sorte... de campión? Sacou tres puntos fundamentales o Ponteceso no Municipal de Vimianzo, deses que fan pensar nos da Vila de Pondal coma algo máis que unha simple revelación. E non foi nin moito menos o seu partido. Máis ben foi o Baíñas o que controlou, dominou e levou o peso. Durante a primeira metade, case que os vimianceses neutralizaron calquera vía de ataque do seu rival, e perdoaron en exceso de cara á portería rival. Emerxeu colosal a figura do meta Brais, salvador a disparos de Pablo Muíño ou Javi Suárez. Xa no segundo acto equilibraríase algo máis a balanza, aínda que todavía cos locais manexando moito mellor o centro do campo. Sen embargo, un remate de cabeza de Mendieta, tras unha segunda xogada nunha falta lateral, acabaría por darlle tres puntos a un Ponteceso afortunado, pero que segue nun camiño óptimo.

Castriz 2-1 Esteirana

Campo: San Pedro.
Castriz: Añón, Miguel, Bruno, David Velo, Sergio (Luis m.80), Martín Uruguaio, Iván Pastoriza (Martín m.69) Fabián, Dani Martñinez, Darío Capelo e Álex Flores.
Esteirana: Manuel, Eloy (Manuel m.73), Rafa (Damián m.38), Martín, Álex, Adrián, Pablo (Iker m.87), Eloy, Codesido, Simón e Tobío.
Árbitro: Regos Martínez (A Coruña). Expulsou a David Velo (m.86) do Castriz eAdrián, da Esteirana (m.75). Amonestou a Dani Martínez e Martín Uruguaio do Castriz; Adrián, Damián, Manuel da Esteirana.
Goles: 0-1 m.25 Pablo; 1-1 m.28 Álex Flores; 2-1 m.94 Dani Martínez.

Dani decide un bonito espectáculo Non defraudou a proposta de Castriz e Esteirana, dous equipos lonxanos na táboa, pero que tiveron un bo puñado de opcións por barba para levar tres puntos. Sorprenderon os visitantes de inicio, cun golazo de Pablo desde fóra do área, que entrou tras golpear no pau. A iniciativa era xalleira, pero nunca renunciou a contragolpear o cadro muradán, baseado na orde e en saídas rápidas ao contragolpe. A chave para o Castriz foi a rápida igualada de Álex Flores, tras rexeite dunha falta. Manuel sacou mans salvadoras no segundo acto, aínda que Añón tamén resultou fundamental para deter perigosas contras da Esteirana, coma a previa ao 2-1, cunha acción determinante. Dani Martínez, de centro chut pola escuadra, firmou o tanto salvador para un Castriz que se nega a renunciar á loita polo título.

Cerqueda 1-0 Carnota

Cerqueda-Carnota-Foto-UD

Campo: Xaviña (Buño).
Cerqueda: Diego Dourado, Sergio (Athu m.53), Pazos, Uru (John m.78), Dani, Fernandito, Manu, Darío, Lorenzo (Juanjo m.81), Eloy (Jonas m,57) e Martín.
Carnota: Peipo, Pumuky, Adrián, Manolo Chouza, Pedro de Pichín, Nakata, Raúl (Óliver m.76), Oreiro (Bernardo m.88), Jose, Miguel (Cibrán m.79) e Manuel Luis.
Árbitro: Baña Tajes (A Coruña). Expulsou a Nakata (m.67) do Carnota. Amonestou a Fernandito e Martín do Cerqueda; Raúl e Oreiro do Carnota.
Gol: 1-0 m.81 Martín.

Tardoulle o premio Nove minutos nada máis lle sobraron a un Cerqueda que buscou insistentemente, sobre todo na primeira metade, tres puntos fronte a un rival directo coma o Carnota. Prantexaron un encontro serio e con poucas fisuras os sureños, aínda que sen demasiados achegamentos ao área contraria. Durante os corenta e cinco minutos iniciais foron Javi e Martín os que dispuxeron das mellores accións, especialmente no caso do primeiro, incluindo un balón sen porteiro diante e outro remate no área pequena. Sería unha combinación entre Fernandito e o propio Javi, con pase en profundidade hacia Martín, a que resolvería o choque, na recta final do choque. Os carnotáns apenas terían opcións de resposta. [fbvideo link="https://www.facebook.com/union.cerqueda/videos/989229491140432/" width="650" height="400" onlyvideo="1"]

Cabana 2-5 Cee

Campo: As Redondas.
Cabana: Víctor, Guille, Raúl, J. Cabana (Álex, m.45), David, Fernando, Fariña (Aurelio, m.25), Eloy, Reigia (Adrián), Manolo (Cristian, m.80) e Santi.
Unión Club Cee: Paulo, Nico, Jorgito, Jacobo, Borja, Pereira (Esteban m.80), Andrés Trillo (David m.47), Piquero, Leo (Penedo m.51), Dani Picallo e Chiru (Xabi m.72).
Árbitro: Sánchez García (A Coruña). Amonestou a Reigia, Grille e Álex do Cabana; Chiru, Penedo,Jorgito Jacoibo, Pereira do Unión Club Cee.
Goles: 0-1 m.2 Dani Picallo; 1-1 m.24 Santi; 1-2 m.29 Leo; 1-3 m.30 Dani Picallo; 1-4 m.79 Piquero; 1-5 m.85 Penedo, de penalti; 2-5 m.89 Adrián.

Cabana e Cee nas Redondas-Foto-SD No nome de Lucas Na víspera, o celtista confeso Alfredo Cambeiro lamentaba o estropicio que lle facía o deportivista Lucas. Onte, o de Caldebarcos pudo adicarlle a outro Lucas, o seu primeiro neto, a victoria no campo das Redondas de Cabana. A película foi sinxela: vontade e moito descaro dun Cabana condicionado nos seus recursos, e efectividade e pegada dun Cee lanzado, que acadou a súa cuarta victoria seguida. Dani Picallo, tras un rexeite do porteiro, firmaba moi cedo o primeiro, neutralizado minutos despois por Santi, tras unha mala saída de Paulo. Resolvería o Cee incluso antes do intermedio, con golazo pola escuadra de Leo primeiro, e unha acción de asasino do área de Dani Picallo, intres despois. Dominarían os cabaneses nunha reanudación estéril de emoción, aínda que prolífera en goles, como afortunado de Piquero e o novo idilio co gol de Penedo.

Camariñas 2-0 Buño

Campo: Hermanas Patiño.
Camariñas: Pablo, Kevin, Rodrigo, Soule, Paco, David, Yuyo, Brais (Pablo Suáez m.72), Pablo, Vicente e Nico.
Buño: Toni, Dimitri (Juan m.70), Pablo (David m.46), Dani, Eloy, Dourado, Miguel Dourado, Dani Calvete (Emilio m.80), Fran Borrazás (Gurita m.76), Víctor e Iván (Richard m.46).
Árbitro: Maneiro Santos (A Coruña). Amonestou a Vicente e Brais do Camariñas; Dourado e Dimitri do Buño.
Goles: 1-0 m.27 Yuyo; 2-0 m.86 Soule.

Importante para o Camariñas Os dous homes máis importantes do que va de tempada no Camariñas, o goleador Yuyo e o pulmón Soule, desequilibraron un compromiso directo fronte ao Buño. O pichichi abriu o marcador cun zarpazo desde fóra do área, e o poderoso africano pechouno nunha contra. Voluntarioso, o Buño tentouno de tódalos xeitos, pero nin foi seu mellor partido nin o máis produtivo de cara á meta rival.

San Lorenzo 4-0 Coristanco

Campo: As Pedreiras.
San Lorenzo: Javi Souto (Puyol m.75), Ángel (Isaac m.66), Kevin, Rudi, Rubén Varela, Álex, Luis (Adrián Varela m.66), Álex Taibo (Omar m.66), Juny, Fuentefría (Parafita m.66) e Mario.
Coristanco: Eloy, Marcos, Mato (Toni m.65), Iván, Samu, Sergio (Damián m.46), Pablo, Pazos, Joni (Mallón m.70), Gonzalo e Magovi.
Árbitro: Pardo Pose (A Coruña). Amonestou a Rudi e Álex do San Lorenzo; Pablo e Pazos do Coristanco.
Goles: 1-0 m.2 Fuentefría; 2-0 m.29 Álex; 3-0 m.44 Fuentefría; 4-0 m.79 Álex.

Arrasou o San Lorenzo Foron catro, ben poderían ter sido oito. O San Lorenzo arrasou co Coristanco, nun derbi de proximidade case sen historia. Protestaron os visitantes a posición de Fuentefría no primeiro gol, pero non foi máis que unha anécdota dentro do repaso local.

Fisterra 1-1 Zas

Campo: Ara Solis.
Fisterra: Norberto, Rubia, Borja Munitis, Manuel Cartamil, Bruno, Adrián (Abel m.55), Pablo Lestón (Santi m.68), Adri (Julito m.38), Piti, Roa (Mané m.71) e Cote.
Sporting Zas: Bugy, Diego Fernández (Cili m.80), Villa, Josito, Rubén Forján, Chapela, Manu (Rubio m.46), Isma, Sande (Adri m.70), Dani e David Blanco.
Árbitro: Zas Vázquez (A Coruña). Expulsou a Piti, do Fisterra (m.39), e a Adrián, xa no banco. Amonestou a Bruno, Adrián, Piti, Rubia, Pablo Lestón, Adri e Roa do Fisterra; Chapela e Dani do Sporting Zas.
Goles: 1-0 m.13 Roa; 1-1 m.90 Cili.

Tódolos ingredentes dun partido en maiúsculas Alternativas, emoción, intensidade... e polémica. A visita do líder Sporting Zas a Fisterra non se resolveu ata o último minuto, aínda que dera que falar antes, durante e despois. As táboas finais pecharon un choque no que boa parte da parroquia local queixouxe amargamente dun novo partido protagonista do colexiado Zas Vázquez, as mans máis rápidas da Costa para amosar os cartóns. Inxusta foi a primeira das dúas tarxetas a Piti, e máis que dubidoso un gol anulado a Adrián con 1-0 (anteriormente xa invalidara un con 0-0). No que ao xogo se refire, levou a iniciativa un Zas que empezou forte, pero que rápido sufriu o acerto de Roa nun bo lanzamento desde dentro do área. Apretaría o líder, pero tampouco creou demasiadas opcións de gol, nesa búsqueda ao espazo para David Blanco. Chegaría a igualada nun balón colgado e despexado frouxo pola zaga local. Chegoulle a opción a Cili, que de volea e polo medio da portería salvaría un punto para o Sporting.

Volantes 0-5 Mazaricos

Campo: Eleuterio Balayo.
Volantes de Baño: Javira, Fran do Español (Álex m.23), Maceiras, Juan do Sivil (Ramón m.79), Roi, Javi, Ivo, Uru (Álvaro m.71), Andel, Iago e Yanky (Pardelo m.55).
Mazaricos: Miguel (Iván m.73), Roberto (Marcos m.48), Matías, Martín, David, Ricardo, Chenel, Molinos (Brais m.46), Estéfano, Juan e Esteban (Orlando m.76).
Árbitro: Guerra Domínguez (A Coruña). Amonestou a Ivo e Iago do Volantes; Esteban e Matias do Mazaricos.
Goles: 0-1 m.19 David; 0-2 m.42 Estéfano; 0-3 m.47 Martín; 0-4 m.62 David; 0-5 m.78 Estéfano.

Outro partido para o olvido en Muros Segue o seu particular calvario un Volantes de Baño ao que empezan a pesarlle os problemas de efectivos que ten. Poucos futbolistas, moitos minutos nos pes e unha crecente sensación de desazón. Os laranxas competiron ata o descanso. No Mazaricos houbo rotación.