O 11 do Corcubión na ida en Camelle-Foto-SD Clínica de Fisioterapia Sar patrocina a 3ª Autonómica. Coñécenos no FB

Marcou a xornada o tráxico suceso acontecido en Arliña. A morte de Abdulaye provocaba a suspensión do partido da Fase entre Muxía e Nantón, deixando ao Corcubión á espera de rival para a final desta Fase de Ascenso á Liga da Costa.

Volcouse o Fútbol da Costa ao completo, con minutos de silencio en todos os campos (foi especialmenteemotivo o de Ara Solis con 2000 afeccionados e o presidente muxián sobre o céspede), e mesmo o presidente da Federación Galega de Fútbol, Rafael Louzán, se achegou a Muxía para darlle todo o seu apoio ao club e á familia muxiá.

O partido entre Muxía e Nantón disputarase esta vindeira fin de semana, e acollerá unha sentida homenaxe ao rapaz e aos seus familiares.

Campaña de axuda

Agora toca campaña de axuda para que a familia poida levar o corpo de Abdulaye ata Senegal. Dende o club veñen de abrir unha conta en Abanca para que todo o que queira faga a súa humilde achega:

• Donancións á familia de Abdoulaye Fall Seck, no Nº de conta: ES16 2080 0078 4630 4000 7676.

 

Corcubión - Camelle (3-1)

• Corcubión: Beto, Alán, Senra, Pabliño, Adri, Gabi, Sebas, Mario Suárez, Toja, Lema e Tito. Tamén Abe, Samu, Rama, Gorka e Germán.
• Camelle: Álvaro, Sicario, Richard, Valiña, Snaki, Dido, Gemelo, Tedín, Jaty, Varu e Felisiano. Tamén: Santi, Tonsón, Dimitri e Sergio.
• Goles: 1-0, m.1: Mario a centro de Tito; 2-0, m.25: en propia meta; 2-1, m.44: Felisiano de penalti; 3-1, m.65: Iago Lema.
• Expulsións: os camelláns Varu (m.78) e Gemelo (m.80).

Esperando rival

Bo ambiente no Cubaleiro para esta volta das semifinais da Promoción. O 0-0 da ida deixaba un partido aberto, que se decantaba moi cedo, cun tanto na primeira xogada do partido do Corcubión, e outro en propia meta dos camelláns que deixaban o partido de cara para os de Emilio Corzón.

Metíase na eliminatoria o Camelle cun tanto de penalti ao fío do descanso (que ademais producía a lesión do meta local Beto), co que un gol lle daba a clasificación.

Comezaba a segunda metade sen demasiadas ocasións, faltaba ritmo, ata que Lema daba a tranqulidade ao partido e Rama puido ampliar a vantaxe ante un Camelle que quería pero non podía. Dúas expulsións amosaron a impotencia dos camelláns, e mesmo un afeccionado saltou ao campo e ameazou ao colexiado. Parou o choque o colexiado e tivo que chegar a Garda Civil, e gracias ao bo comportamento do plantel do Camelle a cousa non foi a máis e o partido rematou sen problemas.

 

Novas relacionadas

• Crónica de Guillermo Parga do ascenso do Soneira: Nunca agardei menos de ti.
• Consternación costeira pola morte dun xogador do Muxía de 15 anos.
• Os arrastres provocarían a día de hoxe o descenso de Xallas, Baio, Corme, Buño, Ameixenda e Volantes.
• Noé e Geiko, os premios Zamora e Pichichi da 3ª da Costa.
• Rikísimo ascenso.
• O Laxe é novo equipo da 2ª Autonómica!.

Máis información

• Os cadros da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción de QPC ([email protected]).