A Selección da Costa xoga esta fin de semana copeira con poucos sancionados

Deportes Fútbol da Costa

14:57 09/06/11

Os encontros das semifinais da Copa da Costa manteñen esta fin de semana o horario do domingo ás 18:00h e son poucos os sancionados. De feito, só hai un par de sancionados de cara á fin de semana, e os dous no derbi xalleiro.

Pero a nova máis novedosa da fin de semana é o encontro da Selección da Costa.

Encontro da Selección da Costa

A Selección da Costa da Morte participará nun torneo organizado polo Paiosaco para conmemorar o seu 50 aniversario. Este domingo 12 de xuño a sele xogará un triangular ante as seleccións das Mariñas e da Coruña. O que gañe enfrontarase ao Paiosaco o vindeiro domingo 18 ás 18:00h tamén na Porta Santa.

A convocatoria dos adestradores, Manolín e Repi é a seguinte:

Porteiros: Norberto (Ponteceso) e Álex (Sofán);
Defensas: Mario (Baio), Pandi (Corme), Piti e Nico (Fisterra), Dani Rama (Esteirana), Álex (San Lorenzo);
Medios: Moriño (Camariñas), Aarón (Dumbría), Pablo Vázquez (Ponteceso), Sexo (Muros); Alexandre (Sofán), Luisete e Bolón (Ponteceso), e Mariano (Club do Mar);
Dianteiros: Neucha e David Blanco (Malpica), Adrián Mackaay (Dumbría) e Luisito (Sofán).