Por que o meu equipo leva esta cor? A esa pregunta queremos responder con esta nova sección de verán “As cores do meu equipo”. Unha sección que sae da fermosa exposición de camisetas que fixemos, coa axuda dos técnicos do Concello de Santa Comba, na V gala do Fútbol da Costa – QPC. Os que xa estivestes, xa puidestes ler a vosa historia, pero seguro que hai centos de siareiros do voso equipo que non saben o porqué das cores da túa camiseta.

As cores do meu equipo: S.C.R.D. Esteirana

Camisetas blaugranas da Esteirana SCDR

Dúas versións coñece a familia esteirá sobre as súas cores blaugranas. A primeira fala en clave de emigración, e remóntase aos anos 30, cando uns veciños emigrados durante a segunda República, enviaban a casa unha equipación completa do San Lorenzo de Almagro. O equipo, coñecido popularmente en Arxentina como “Ciclón”, dá nome a día de hoxe a un dos equipos do Campionato de Barrios de Esteiro, os Ciclóns do maio, que compiten dende hai máis de 40 anos. Daquela o equipo fóra fundado pola entidade mutualista agraria Protección Social Esteirana. Por outra banda, a obra Manuel Torres Fernández que recolle a historia do equipo, remóntase ata os anos 50, cando o grupo responsable do equipo, que “paraba na Ferraxaría de Joaquín Rama foi comprar a vestimenta a Noia. A única equipación completa que había na tenda, lucía as mesmas cores que as do Barcelona, mais as franxas da camiseta eran máis estreitas. Foi deste xeito como se elixiron unha vez máis as cores definitivas”.

 

Novas relacionadas

• Os porqués das cores dos equipos do Fútbol da Costa.
• SD Ameixenda.
• CD Baio.
• CD Baíñas.
• CD Buño.
• Cabana SD.
• Camariñas C.F..
• S.D. Camelle.
• C.F. Castelo.
• U.C. Cee.
• U.D. Cerqueda.
• U.D. Corcubión.
• S.D. Coristanco.
• Corme C.F..
• C.F. Dumbría.