As cores do meu equipo: Soneira S.D.

As cores do meu equipo: Soneira S.D.

08:06 21/08/18

Por que o meu equipo leva esta cor? A esa pregunta queremos responder con esta nova sección de verán “As cores do meu equipo”. Unha sección que sae da fermosa exposición de camisetas que fixemos, coa axuda dos técnicos do Concello de Santa Comba, na V gala do Fútbol da Costa – QPC. Os que xa estivestes, xa puidestes ler a vosa historia, pero seguro que hai centos de siareiros do voso equipo que non saben o porqué das cores da túa camiseta.

As cores do meu equipo: Soneira S.D.

Camisetas do Soneira SD

A primeira foto que se conserva data de 1948, cando os xogadores vimianceses lucían camisetas brancas, pero de diferentes estilos (unhas con botóns, outras sin mangas...). Nos anos 50 confórmase unha equipación máis axeitada, con camiseta branca e pantalón negro, pero este sería cambiado ao branco nos anos 60, cando ademais coexistía unha camiseta verde.

Coa incorporación oficial do Soneira á Liga da Costa no ano 1966 cómprase o uniforme novo en Cuenca e Botana da Coruña. Diso encargouse Pepe Mouzo secretario do Club ao cal acompañou Moli. A intención do primeiro equipamento era a de comprar a camiseta branca e pantalón negro de acordo ás orixes do equipo pero dándose conta que este uniforme era o que usaba o Ponteceso, un dos decanos da Liga, decidiron pola cor branca para o primeiro equipamento e como segunda unicamente o cambio da camiseta que sería a rallas verticais de cor negra e vermello, ambos os equipamentos con pantalón e medias brancas. Este primeira equipación sería o uniforme oficial do Soneira ao longo destes cincuenta anos.