Nova fin de semana chea de deporte na Costa da Morte. pero que ten ademais unha cita senlleira. O equipo do programa Tourilandia xogará este sábado na Pedra de Ouro do Pino do Val ante o Mazaricos. O que comezaba cunha broma nun dos programas da TVG, cunha camisola do clube amarelo en antena, continúa, que non remata, cun partidazo.

E a piques de rematar está a Liga de Fútbol Sala de Cee, que estes días vivía a suposta última semana de competición con xa todo decidido. Pero a xornada do luns foi suspendida porque houbo que limpar o pavillón polo torneo 3x3 e o luns 16 de abril disputaranse os 3 últimos encontros da competición nesta tempada.

E imos xa ca previa futboleira, tras ollar o completo parte de sancións con novidades na Copa. E comezando pola Preferente, Xallas, Santa Comba e un Dumbría que tampouco se pode despstar poderán facerlle un favor ao Soneira, se vencen aos equipos da Mariña Lucense, todos na zona baixa. Pola súa parte o Soneira terá un complicado choque ante o Dubra.

Se na Preferente aínda quedan 7 xornadas para o final, na 1ª quedan tan só 5. Co Cee descendido, o Ponteceso aínda ten que asegurar a permanencia e recibe o sábado a un Carral 4º.

A xornada da Liga da Costa terá encontros entre equipos de arriba cos de abaixo, como o Zas-Club do Mar ou o Mazaricos-Camariñas. Ademais hai un interesante Buño-Corcubión destacando na xornada do domingo un vistoso Muros-Corme na loita pola 3ª e 4ª praza.

Na 3ª haberá dous partidazos entre os 6 primeiros: o Cerqueda-Cabana e o Outes-Coristanco.

En xuvenís continúa moi igualada a Liguilla Previa de Ascenso á Liga Galega, O Baio terá que superar ao Dumbría B se quere volverse meter na loita polas 2 prazas, o Malpica terá que visitar a un baixo Camariñas e o Cee sufrirá, de seguro, para superar a un Corcubión, que con motivación o pon todo, e contra os veciños ceenses, darán o máximo para ademais, meterse na loita a falta de 4 xornadas.
Remata ademais a Fase da Copa da Costa de xuvenís, e só queda decidir a orde dos postos para os cruces de cuartos.

Ten tamén a xornada o ollo posto na 2ª Infantil cunha finalísima entre Dumbría e Cabana para o sábado ás 11:00no Conco, cos dous equipos destacados e igualados con 72 puntos no alto da táboa.

E ollo tamén aos Veteranos, onde o líder da 1ª, o Castriz terá que visitar o Novo Cubaleiro para enfrontarse ao Corcubión, que a falta de 3 xornadas está a tan só 5 puntos. O San Román, 2º a 2 do líder, recibe ao pechacancelas xa descendido, polo que un tropezo do Castriz porá probablemente ao San Román no liderato.
Na 2ª, o Coristanco poderá asegurar o ascenso, xunto ao xa campión Soneira, se vence ao Dep. Carballo.

Preferente, xornada 32

1ª Autonómica, xornada 30

2ª Autonómica, xornada 30

3ª Autonómica, xornada 34

Liguilla Previa á Fase de Ascenso á Liga Galega Xuvenil, xornada 10

Copa da Costa Xuvenil, Gr.1, xornada 10

Copa da Costa Xuvenil, Gr.2, xornada 10

2ª Cadete, xornada 30

2ª Infantil, xornada 30

Ligas de Veteranos, xornada 28

1ª División

2ª División

Fútbol Sala

O Fisober Concello de Vimianzo, xa histórico campión da Liga Autonómica celebrará o título na casa. Ademais remata a Liga Provincial para os 3 equipos costeiros:

• Liga Autonómica:
  - Riazor - Fisober: venres 13/04/12 ás 19:00h no Pavillón do Novo Mesoiro da Coruña.
  - Fisober F.S.F. - Cidade de As Burgas F.S.: sábado 14/04/2012 ás 18:00h no Municipal de Vimianzo.
• Liga Provincial:
  - A Fervenza - Fisober B: domingo 15/04/12 ás 12:30 en Narón<./li>

Balonmán

Tralo éxito do Ifecgas Pereira, a temporada da 1ª Estatal remata cun derbi que non se repetirá a vindeira tempada tralo descenso dos camariñáns.

• BM. CAMARIÑAS CONSERVAS BOYA - CALVO XIRIA: sábado14/04/2012 ás 19:00no P. MPAL. "O AREAL" (CAMARIÑAS).

Tenis de mesa

Importantes encontros para esta fin de semana para os equipos costeiros do Anorthosis. Os dous equipos deben gañar e así non ter problemas de cara o descenso do Concello de Zas Angepon. A SD Hípica é un dos equipos implicados no descenso e unha victoria do Anorthosis axudarialles moito aos seus compañeiros de clube, o Concello de Zas Angepon.

2ª Division Galega, grupo centro. Sábado 14 de abril as 17'00 h. En Coruña, nos locais da Hípica: S.D. Hípica - Anorthosis Vimianzo.

• En Canide, Oleiros: Breogán Oleiros "D" - Concello de Zas Angepon.

En 3ª galega xa se xogaron por adiantado os encontros correspondentes a esta xornada.

• Panadería Sigüeiro - Concello de Zas P Tívoli (5-2)
IES Virxe do Mar "B" - Concello de Zas O Pinar (5-2).

Ademais, na 2ª división nacional femenina, o sábado 14 de abril dende as 10:00h da maña terá lugar a última concentración que se celebra en Sigüeiro, Oroso, e a ela acudirán Lorena, Laura e Anxela.
E no Campionato Galego Benxamín, Lorena Castro acadou o 9º posto xeral (masculino e feminino), sendo 4ª da categoría feminina.

Máis información

• www.futboldacosta.com.
• Cadro da Copa da Costa 2012.

Crónicas da semana

• O Corcubión pasa na Copa tralo parte de sancións.
• Repaso da Semana Santa futboleira.
• Unha Semana Santa de Torneos.

Máis novas

• Alberto Pose: Unha por toda a familia futboleira da Serra de Outes.
• O fútbol na Costa da Morte, un mar de paixón.
• QPC MOTOR: Entrevista de David Castro con Dani Carracedo.
• A Esteirana Cadete abre o camiño para conquistar o título provincial de FS.
• O Distribuciones Barral sentencia unha nova Liga de Fútbol Sala de Cee.
• Entrevista de David Castro co internacional Santi Canedo.
• Xa temos cadro da Copa da Costa 2012.
• Vídeo entrevista de Anxo Garrido coa vimiancesa Ana Mouzo.
• Entrevista de David Castro con Toni, un muradán en Dumbría.
• A Federación decide os ascensos e a Asociación de Clubes dá novos pasos.

Fonte

• Redacción de Deportes de QPC ([email protected]).