Axenda futboleira dunha fin de semana de finalísimas con suspense

Axenda futboleira dunha fin de semana de finalísimas con suspense

09:08 27/06/14

Dumbria e XSC fronte a fronte na Final da Copa da Costa 2014

Pois ata o final téñennos en ascuas. Menos mal que temos a III Gala do Fútbol da Costa para ter a mente futboleira ocupada.

Tralas explicacións do parecer da Directiva do Dumbría, a final terá lugar este domingo 29 de xuño, ás 18:00h en Fontenla, a pesar de que na Federación respondan coma se nada pasase.

Movementos nos bancos

Todo, no marco dunha tras unha semana na que coñecíamos que Manolín volve aos banquiños, e na que José Carlos tomou o relevo na presidencia do UC Cee. Grandes novas para o noso fútbol, dende logo. Ademais, houbo outros movementos, como o que pon a Juan Rey Cambeiro como novo adestrador da Esteirana, ou ao ceense Mario de José como adestrador do Baíñas.

A previa

Xa no deportivo, a Final da Copa da Costa 2014 prevese espectacular. Os dous mellores equipos do fútbol costeiro se presentan para unha finalísima espectacular. O Dumbría cos deberes feitos tras unha moi boa temporada en Preferente, e o XSC coa posibilidade de repetir o éxito do ano pasado e de salvar unha campaña na que o descenso á 1ª Autonómica xa está certificado, a non ser que haia baixas na Pref.

Teremos tamén a Final da Copa da Costa de Veteranos, que nos deixou algunha sorpresa nas semifinais. O Erbecedo sorprendeu ao Soneira, un dos grandes favoritos, e loitará cun Dumbría en clara melloría. A cita, o domingo ás 11:00h no Campo de Xaviña-Buño, nun evento organizado polo Cerqueda de Veteranos.

E, ademais dos torneos estivais do Memorial Andújar, do Trofeo Base de Cabana e do I Maratón de FS de Santa Comba, teremos o ollo posto na ida da gran final da Fase de Ascenso Xuvenil. O Dumbría está a 180 minutos da Liga Galega, un soño que pode ser realidade neste grupo de xogadores que pasarán á historia, por levar dous equipos á máxima categoría da man de Diego Lobelos e Óscar Leis.

Copa da Costa, Final

XSC

29/06

Dumbría

Podedes ver como queda o cadro actualizado en www.copadacosta.com.

Fase de Ascenso á Liga Galega Xuvenil

28/06 - 12:00

Val do Ulla - Dumbría

05/07

O que pase esta eliminatoria, ascende a Liga Galega Xuvenil.

Copa da Costa de Veteranos, Final

Erbecedo

29/06 - 11:00 en Xaviña-Buño

Dumbría

Podedes ver como queda o cadro completo en www.copadacosta.com.

IV MEMORIAL MANUEL ANDÚJAR

O C.F. Dumbría celebrará este sábado 28 de xuño, a partir das 10 da mañá, a que será a cuarta edición do Memorial Manuel Andújar, un torneo de Fútbol 8 no que participarán equipos de categoría prebenxamin, Benxamín e Alevín. A esta edición acudirán os seguintes equipos: - Categoría Alevin: Dumbría “A”, Dumbría “B”, Esteirana, Rácing San Pedro (Ferrol), Cee, Xallas SC, Olímpico de Rutis - Categoría Benxamin: Dumbría, Cee, Xallas SC, Esteirana - Categoría Prebenxamin: Dumbría e Cee A competición dará comenzo ás 10:00 h en categoría Alevin, e ás 10:30 na categoría Benxamin, xogándose simultáneamente nos dous campos habilitados no municipal do Conco. As finais desputaranse ás 16:30 h. en Prebenxamín, 17:30 h en Benxamin e ás 18:30 en Alevin. Os equipos terán tamén a posibilidade de gozar da piscina municipal. A organización do torneo elaborará un menú gratuito para os rapaces e dispoñerá tamén dunha zona para comer as nais, pais e acompañantes, nas propias instalacións do Conco.

I Maratón de FS de Santa Comba

Tamén na capital xalleira pero a finais de mes, 27, 28 e 29 de xuño, terá lugar o I Maratón de FS de Santa Comba no pavillón de Fontenla, con 3.100 puntos en premios.

Torneo Base en Cabana

Os días 28 e 29 de xuño o Campo das Redondas, un dos que máis atención presta ao fútbol base, acolle o VI Torneo de Fútbol Base Cabana SD. 14 equipos benxamíns e outros tantos alevíns, cunha primeira fase de grupos a golpe de sábado e un domingo de Fase Final.