Nova vitoria do Calvo Xiria

Boa xornada para o balonmán costeiro, con dúas vitorias para os nosos. O Bm. Camariñas segue facendo historia e xa son 13 vitorias en 13 partidos. Ademais, volvía a casa tras dúas derrotas o Calvo e volveu á senda da vitoria. E fíxoo no momento máis necesario, ante un Chapela que se achegaba por detrás na táboa.

1ª Estatal Masculina, x. 18

• Resultado: Calvo Xiria - Bm Chapela (33-27)
• CALVO XIRIA 33 (15+18): Santiago Gómez [p], Antonio Mato [p], Brais Puñal (3), Pablo Iglesias (10), Miguel Suárez-Pumariega (1), Uxío Batán (1), Sergio Facal (2), Gonzalo Pombo, Alejandro Calvete, Javier Rodríguez, Julián López, Carlos Vilanova (5), Hugo Rodríguez (5), Juan Carlos Rodríguez, Martín Alfeirán (4), Jorge Bouzas (2).

Bo partido dos carballeses, que souberon romper as diferentes dinámicas coas que chegaban os dous equipos ao Vila de Noia. A primeira metade foi tremendamente igualada, rematando nun empate xusto.

A defensa foi clave na segunda metade, e a mellora no ataque no último cuarto, con máis acerto e fluidez que no resto do partido, sabendo ler cada xorgada, permitiu sumar 2 puntos fundamentais para manter o liderado e a distancia de 3 puntos ante o Porriño.

 

1ª Autonómica masculina, x.13

• Resultado: Bm. Camariñas - Atlético Novás (32-20)
• Bm. Camariñas: Víctor (p); Alan (1), Fari (8), Fabián (3), Eusebio (4), Chechu (1), Moncho, Fabio (1), Catalán (5), Héctor (7), Fran, Antelo r Xabi (2).

Nova vitoria na casa, ante un pavillón volcado, que se xestou nos últimos primeiros minutos da primeira metade, na que os conserveiros fixeron un parcial clave para deixar unha distancia de 9 goles ao descanso.

A segunda metade, os de Moncho Canosa puideron deixar minutos para os menos habituais, e celebrar unha nova vitoria. E xa son 13 vitorias en 13 partidos as que suma este histórico Bm. Camariñas.

Esta vez ante os rosaleiros do Atlético Novás que xa desde o inicio puxéronse a remolque do intenso ritmo que impuxo o Conservas, que se foi no marcador xa de inicio, provocando que o adestrador rival solicitase un tempraneiro tempo morto, que conseguiu meter de novo aos visitantes no partido, pero o intenso ritmo local volveuse a impoñer deixando no descanso un claro 21-12. No segundo tempo xa foron munutos para todos mantendo o resultado do primeiro periodo.

O próximo sábado o Camariñas disputará o partido quizais máis dificil desta segunda volta, visita ao Carnes do Ribeiro no Pabellón Ou Consello de Ribadavia. Un partido contra un dos máis fortes deste campionato que o Camariñas tratará de manter o seu taboleiro imbatido.

 

Senior feminina, x.1

• Resultado: Bm. Encaixe - Bm- Carballal (20-21).

As mozas do Encaixe perderon dun gol ante o Carballal de Vigo nun partido onde a sorte non estivo da súa lado. O vindeiro sábado ás 12 no pabellón municipal Ou Areal de Camariñas, derbi Camariñas- Xiria de Senior Feminino.  

Máis información

• Resultados e clasificacións da 1ª Estatal masculina (Bm. Xiria).
• Resultados e clasificacións da 1ª Autonómica masculina (Bm. Camariñas).
• Resultados e clasificacións da 2ª Autonómica Feminina (Encaixe Camariñas).
• Resultados e clasificacións da 2ª Autonómica masculina. Gr. 2 (Bm. Xallas).

Novas relacionadas

• Entradas de balonmán que limpan cuíños.
• As Selección Española Junior xogarase en marzo a clasificación para o Europeo de Balonmán en Carballo.

Crónicas deste curso

• O Xiria ten que recuperar o fío que non perde o Camariñas.
• Invicto só queda un.
• Gañar por inercia.
• Xiria e Camariñas acaban invictos o 2016.
• Ampliando a vantaxe para pasar un Nadal tranquilo.
• Invictus.
• O Norte ó poder.
• O Calvo, máis líder e de novo representante galego na Federación Española.
• O Balonmán Camariñas, a defensa menos goleada do campionato.
• Balonmán: Posta de longo para o Bm. Camariñas.
• O Xallas ponse de longo mentres Xiria e Conservas seguen en marcha.
• A canteira do Xiria pode coa carteira do Chapela mentres o Bm. Camariñas quece motores.
• Carballo vístese de verde Xiria>Carballo vístese de verde Xiria.

Outras novas

• O Basket Xiria quere afianzar a súa canteira pontecesá.
• O equipos do Basket Xiria póñense en marcha.
• A creación do primeiro equipo sénior feminino é unha chulada para o Carballo Basket”.
• 10 anos para un Basket Xiria que segue medrando.

Fonte

• Redacción de QPC ([email protected]).