Balonmán: En zona nobre

Balonmán: En zona nobre

07:02 03/10/17

4º e 5º sitúanse Calvo Xiria e Bm. Camariñas trala celebración da 3ª Xornada da 1ª Estatal de Balonmán. A vitoria dos camariñáns e o empate dos carballeses permítelles situarse en zona nobre.

Xabi do Bm Camariñas nun partido anterior-Foto-Patri Rivas

Bm. Camariñas - Luceros (40-27)

Bm. Camariñas: Cristian, Félix, Alan (7), Cristian Canosa (8), Borja (4), Fabio, Alberto Mas (3), Fran Carril, Cristian Antelo (5), Diego Alonso (2), Fabián (5) e Sabi (6).

Empezou o partido con moitos fallos por parte dos dous equipos, pero aos poucos o Camariñas foise impoñendo no marcador ante un equipo moi novo e prometedor. Moi bo partido de todos os locais que non acusaron o seu escaso banquiño. Moi boa arbitraxe da parella cántabra. e dous puntos de ouro para o Boia que o sitúan na zona nobre da táboa.

O vindeiro domingo o cadro conserveiro enfróntanse ao Teucro en Pontevedra, ás 12:00h.

Calvo Xiria - Lavadores (28-28)

Calvo Xiria: Antonio Mato (p), Iago Gómez (p), Andrés Vila, Carlos Vilanova (2), Gabriel Castiñeiras, Julián López (1), Brais Puñal, Fran Rey, Pablo Iglesias (5), Hugo Rodríguez (6), Miguel Suárez-Pumariega, Juan Carlos Rodríguez (2), Manuel Méndez (4), Sergio Facal, Jorge Bouzas (7), Alejandro Calvete (1).

Escapóuselle un punto nos últimos ao cadro verde. Non foi o mellor partido de ningún dos dous equipos, nun choque dominado polos visitantes nun dos peores primeiros tempos que se lle recordan aos carballeses. Conseguían recuperar algo a base de defensa e marchar só dous abaixo o equipo local ao descanso.

Na segunda activouse o Calvo, sen amosar a súa mellor cara pero máis intensos, ata colocarse 4 arriba a falta de 4 minutos. E chegaron erros, faltas… que regalaban un 0-4 que permiría aos vigueses levarse dous puntos de carballo.

A vindeira semana, o sábado ás 20:00h, o Calvo Xiria afrontará o primeiro derbi da tempada contra o OAR da Coruña no pavillón de San Francisco Xabier.