7 de 7 leva o Calvo Xiria na 1ª Estatal. Impresionante o cadro carballes

Non puido manter a mesma liña o Bm. Camariñas na 1ª Autonómica Masculina e caeu pola mínima no Grove por mor dos erros propios. Aínda así queda preto do liderado.

1ª Autonómica, xornada 4

• Resultado: Bm. Rasoeiro O Grove - Bm. Camariñas (25-24)
• Balonmán Camarilas: Bruno ℗, Víctor ℗, Alan (2), Fary (6), Eusebio, Checho, Damián (1), Fabio, Catalán (10), Xosé, Héctor (2), Fran, Antelo (1) e Moncho.

Un bo partido o vivido no Grove, que xa na pasada tempada gañoulle ao Camariñas o partido en Monte da Vila.

Non lle saíron ben as cousas ao Camariñas na cancha do Rasoeiro do Grove, fallou 4 contraataques claros e o que foi máis grave, só acertaron 1 penalti de 6 sinalados, 5 penaltis fallados que foron determinantes, condicionando o resultado final adverso.

A próxima xornada o Conservas Boya recibe ao Atlético Novás no Pavillón de Camariñas o sábado ás 18:30h.

1ª Estatal, Gr. A, xornada 7

• Resultado: Bm. Ártabro Novo Mesoiro - Calvo Xiria (14-42)
• CALVO XIRIA 42 (20+24): Martín Gómez [p], Iago Gómez [p], Alejandro Naya [p], Carlos A. Lema (3), Javier Rodríguez (2), Brais Puñal (5), Manuel Méndez (6), Sergio Facal (3), Julián López (2), Uxío Batán (9), Ramón Suárez-Pumariega (3), Martín Alfeirán (6), Mario García de Seárez (3).

Partido sen historia o vivido na tarde do sábado no Municipal de Novo Mesoiro. Plasmouse no terreo de xogo a diferenza que a día de hoxe hai entre os dous equipos. Os xogadores herculinos non eran capaces de superar a defensa dos carballeses mentres con rápidas contras subían goles de xeito continuo ao seu electrónico o equipo do Calvo Xiria.

No minuto quince da primeira metade xa estaba completamente roto o encontro, tanto pola diferenza de +8 a prol do Xiria como polo xogo amosado por uns e outros. Dende ese intre so se puido ver a dous equipos deixando pasar os minutos en espera das seguinte xornada de liga.

Máis información

• Resultados e Clasificación da 1ª Estatal, Gr. A.
• Resultados e Clasificación 1ª Autonómica Masculina.
• Resultados e Clasificación 1ª Autonómica Feminina.

Novas relacionadas

• Líderes.
• Balonmán: Camariñas e Xiria seguen sumando vitorias.
• O Balonmán arrinca con vitorias en Camariñas e Carballo.
• Camariñas queda sen equipo feminino de balonmán esta tempada.
• O Bm. Camariñas renuncia ao ascenso para centrarse na base.

Fonte

• Bm. Camariñas e Calvo Xiria.