Grandes novas para o baloncesto carballés. O Carballo Basket Xiria vencía ao Opticalia nunha auténtica final fóra da casa e se metía na Fase de Ascenso á Liga EBA. Xa o ano pasado estivo a piques de conseguir o soñado ascenso, e este ano volverá loitar.

Repuxéronse os carballeses da inesperada derrota da semana pasada e venceron no cara a cara ante o equipo de Eume, por 69 a 80. Non deron opcións os carballes que marchaban xa 9-22 tralo primeiro cuarto. Pero tralo descanso os ferroláns colócanse con ata 10 puntos de vantaxe, quedando igualado o choque para o último cuarto. A expulsión dun xogador clave dos locais por 5 faltas permitía que os pesos pesados carballeses decantasen o partido dende a pintura.

Ademais, o equipo feminino do Vázquez y Reino vencía a domicilio ante o Zabba Zapatería Otero Caritón de Santiago, e se consolida na segunda praza da 2ª División feminina.

Familia Artai

O cadro sénior Masculino vcelebrana unha doble vitoria esta fin de semana. Primeiro facíao ante o Basket Coruña (49-58), e despois vencía en Arteixo por 59-69 na 14ª xornada da 3ª división, moito máis complicada do que podería ter parecido a priori.

Pola súa parte, as Junior do Carniería Daniel facían o propio en Culleredo (41-78), demostrando estar un punto por riba doutro dos equipos que participarán na segunda fase.

Familia ACB

O Sénior masculin de 3ª División caía na casa ente o Xeríon por (27-56). Foi un mal partido dos ceeses que en todo momento estiveron a merced do que os visitantes xogaban. Sen poder impoñer un ritmo de xogo que fose problemático para o rival, e cunha primeira parte onde só se vian tiroa de tres puntos e algunhas penetracións á desesperada, a renda de Xerión era xa moi ampla ao descanso. Tras o parón, un cambio na defensa e sobretodo na actitude ceense, fai que con Manu e Deril moi activos na primeira liña de defensa se poidan roubar balóns e buscar contras que impidan ao rival xogar a placer. Mais unha vez acomodados os visitantes, e tras outro cambio defensivo, as forzas ceenses comezan a diluírse, polo que o partido remata coa máxima diferenza dos visitantes. Toca facer autocrítica e atopar a solución para colleitar novas victorias.

Os Junior da Carnicería Muíño caía ante Montrove por 45-63.

Crónicas da tempada

• Pechando o ano con alegrías e decepcións.
• Pensando no Nadal.
• Derbi costeiro con acento carballés.
• Xornada de derbis de base.
• A canteira toma o protagonismo.
• Da boa saúde do baloncesto carballés.
• Mans de manteiga.
• O debut histórico do Artai Sénior centra a atención da xornada do basket costeiro.

Novas relacionadas

• Setembro 17: Ferroatlántica retira o seu apoio ás entidades deportivas.
• Xuño 2017: Iván Villaverde estrease a vindeira tempada como entrenador do primeiro equipo do Calvo Basket Xiria.
• Maio 17: O Vázquez y Reino métese na Fase de Ascenso no ano da súa estrea.

Fonte

• Redacción de QPC (info@quepasanacosta.com).