Luns. 24.01.2022
El tiempo

Basket: O Vázquez y Reino métese na Fase de Ascenso no ano da súa estrea

Basket: O Vázquez y Reino métese na Fase de Ascenso no ano da súa estrea
O Xiria Vazquez y Reino adicou a vitoria a Carmen O Xiria Vazquez y Reino adicou a vitoria a Carmen

Nunha mala malísima fin de semana para o ACB Costa da Morte, as boas novas chegan dende Carballo.

Disputaron un dos encontros aprazados tralo parón de Nadal as bravas carballesas do Basket Xiria Vázquez y Reino, e sumaron unha vitoria contundente que as confirma entre os 3 equipos que pelexarán polo ascenso á 1ª Autonómica, no seu primeiro ano de historia no baloncesto feminino galego. Unha vitoria que ademais adicaron a Carmen Castro, mancada nun xeonllo.

Pola súa parte, os mozos do Xiria caeron con rotunidade ante o líder. Agora, toca remar moito para meterse entre os 4 primeiros. Quedaban 3 pasos para meterse na fase á EBA, agora quedan dúas ocasións para non perder ese histórico tren.

2ª División Autonómica Feminina

  • Resultado: Vázquez y Reino - ADB Fontiñas (60-24).
  • Vázquez y Reino EBX: Laura (14), Iria, Silvia (14), Sara (4), Limeres (9), Cris, Estela, Irene (9), Alba (4), Andrea Pombo (2) e Lucía (2)

Dende o primeiro minuto a calidade das bergantiñás foi determinante. Ademais, estiveron agresivas en defensa e rápidas nas contras meténdose xa ao descanso con 18 puntos de vantaxe. A segunda metade foi un paseo.

 

1ª División Autonómica Masculina

  • Resultado: B. Culleredo - Calvo Basket Xiria (76-43).
  • Basket Xiria: Anxo, Arguelles, Peli (8), Manu (9), Roi (2), Fran, Tato (13), Luís (6) e Moreira (5).
  • Parciais: 22-18; 13-8; 24-9; 17-8.

Nada puidero facer os carballeses ante o poderío físico do líder da táboa. Derrota contundente do Calvo Basket Xiria ante Culleredo,líder da clasificación e que na tarde do sabado pasou por encima dos carballeses. Un gran traballo defensivo dos locais deixaba aos conserveiros cunha triste bagaxe anotadora, onde só Tato mantiña o tipo, mentres Peli era ben defendido.

Na segunda, o cadro local escapou aínda máis, nun choque no que a arbitraxe nada gustou aos costeiros.  

Familia Artai

Liga Galega Cadete Masculino

  • Resultado: CB ARTAI - COB OURENSE (54-55)
  • PARCIAIS: 13-24 10-7 12-11 19-13.
  • C.B. ARTAI: Marco (2), Javi Santiago (2), José (7), Samu, Julio (2), Pablo, Nión (10), Manu (9), Carlos (18), Diego e Mario (2).
Carlos cadete do Artai Carlos, cadete do Artai

Último partido da primeira volta para os mozos do cole que se enfrontaban a un dos seus rivais directos para pechar unha primeira volta para esquecer, primeiro pola pasividade dos mozos do cole e máis tarde pola mala sorte unha vez subiron a intensidade nos entrenos e empezouse a competir.
Tardaron en entrar no partido, pero a partir do segundo cuarto comezou a carburar o cadro escolar. Un último cuarto brillante pon aos do cole un arriba a falta de segundos, pero na seguinte xogada, o mal virus do rebote defensivo, tras un tiro dos de COB, os do cole non son capaces de facerse co balón e Orense anota de rebote de ataque. Os do cole dispoñen dunha última xogada, pero o balón non quixo entrar tras un bo ataque dos cadetes e a vitoria foise para terras ourensás.

Deben mellorar os do cole no rebote defensivo, o tiro libre e as perdas de balón, fallos demasiado graves que hoxe nos custaron un partido que merecía quedarse en casa. A destacar a defensa local, o gran número de detalles vistos hoxe fíxonos pelexar ata o final.

Liga Galega Infantil Masculino, 2ª Fase, xornada 1

  • Resultado: CENOR OBRADOIRO - CB ARTAI (79-53).
  • Parciais: 20-8; 42-27; 60-38; 79-53.
  • CB ARTAI: Dani Castro (4), Borja Ríos (23), Antón González (13), Damián (7) e Jano (8)
Damian infantil do Artai Damián, infantil do Artai

Primeira xornada correspondente á segunda fase e na que os oito equipo encadrados neste grupo pelexarán polas dúas primeiras prazas, que son as únicas que evitan o descenso de categoría. Meritorio partido dos carballeses pese a caer derrotados por 26 puntos ante o Obradoiro e é que o técnico carballés, por diversos motivos, só puido contar con seis xogadores no desprazamento.

  Automóviles Dimolk patrocina as crónicas do baloncesto Automóviles Dimolk patrocina as crónicas do baloncesto

Máis información

Novas relacionadas

Fonte

comentarios